روزا رىمبايەۆا مەن ايمان مۇساحودجايەۆانىڭ مەملەكەتتىك مادەني شارالارداعى قالاماقىسى قانشا

استانا. قازاقپارات - مادەنيەت جانە سپورت مينيسترلىگىنىڭ كەزەكتى بۇيرىق جوباسىنىڭ بىرىنە قوسىمشا بەرىلگەن قۇجاتتا ەلگە تانىمال انشىلەردىڭ قانشا قالاماقى الىپ جۇرگەنى تۋرالى مالىمەت ۇسىنىلعان، دەپ حابارلايدى قازاقپارات ءتىلشىسى.

قۇجاتتىڭ تولىق اتاۋى - «قازاقستان رەسپۋبليكاسى مەن شەت ەلدەردە وتكىزىلىپ، بيۋدجەت قاراجاتى ەسەبىنەن قارجىلاندىرىلاتىن مادەنيەت سالاسىنداعى الەۋمەتتىك ماڭىزى بار ءىس- شارالار مەن مادەني ءىس- شارالاردى قارجىلاندىرۋ ەرەجەسى مەن قارجىلاندىرۋ نورماتيۆتەرىن بەكىتۋ تۋرالى» قازاقستان رەسپۋبليكاسى مادەنيەت جانە سپورت ءمينيسترىنىڭ مىندەتىن اتقارۋشىنىڭ 2023 -جىلعى 16-اقپانداعى №51 بۇيرىعىنا وزگەرتۋلەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى مادەنيەت جانە سپورت ءمينيسترى بۇيرىعىنىڭ جوباسى.

وسى قۇجاتقا قوسىمشا بەرىلگەن سالىستىرمالى كەستەدە ەلگە تانىمال انشىلەردىڭ بيۋدجەت ەسەبىنەن وتەتىن شارالاردا ونەر كورسەتكەنى ءۇشىن قانشا قالاماقى الاتىنى ايتىلعان.

«مىسالى، فورماتىنا قاراي وسى ساناتقا قازاقستان ەڭبەك ەرى، ك س ر و حالىق ءارتىسى، قازاق ك س ر حالىق ءارتىسى، قازاقستاننىڭ حالىق ءارتىسى اتاقتارى بار بىرنەشە ونەر يەسىن ءبىر مەزگىلدە قوسۋعا بولادى (مىسالى: الىبەك دىنىشيەۆ5000000، روزا رىمبايەۆا 5000000 تەڭگە، ايمان مۇساحودجايەۆا 5000000 تەڭگە، نۇرجامال ۇسەنبايەۆا 2000000 تەڭگە، تاعى باسقالار).

وتكىزىلگەن ءىس- شارالاردى تالداي كەلە، وسى ساناتتاعى ارتىستەردىڭ قاتىسۋىن قامتاماسىز ەتۋ قىزمەتتەرى ءۇشىن ناقتى كورسەتىلگەن قىزمەتتەردىڭ قۇنى جوبا بيۋدجەتىنىڭ % 25 جانە ودان دا كوپ بولۋى مۇمكىن، بۇل پايىزدىق قاتىناستان اسىپ تۇسەدى.

وسىلايشا، جوعارىدا ايتىلعانداردى ەسكەرە وتىرىپ، وسى تارماقتى ستاندارت بويىنشا جالپى سومانىڭ % 10- عا دەيىن ورىنداۋ مۇمكىن ەمەس، وسىعان بايلانىستى، وسى ستاندارتتى جوبانىڭ جالپى سوماسىنىڭ % 25- ىنا دەيىن ارتتىرۋدى سۇرايمىز»، - دەلىنگەن قۇجاتتا.