تالدىقورعاندىق پوليتسەيلەر كوشەلەردەگى ەسىرتكى جارنامالارىن ءوشىرىپ جاتىر
تالدىقورعاندا ناشاقورلىقتىڭ الدىن الۋعا باعىتتالعان «ەسىرتكىسىز قالا» اكسياسى وتۋدە. پوليتسەيلەر، جەرگىلىكتى تۇرعىنداردان قۇرىلعان ەرىكتىلەر قالاداعى ۇيلەردى ارالاپ، قابىرعالارداعى ەسىرتكى سايتتارىن جارنامالايتىن ءتۇرلى شتريح-كودتار مەن جازۋلاردى وشىرۋدە.
«اۋلا ارالاۋ كەزىندە قالا تۇرعىندارىنا ناشاقورلىققا قارسى تاقىرىپتاعى بۋكلەتتەر مەن جادىنامالار تاراتىلادى. ءبىز كەڭەس بەرەمىز، ازاماتتارعا، اسىرەسە جاسوسپىرىمدەر مەن جاستارعا سينتەتيكالىق جانە باسقا دا ەسىرتكىلەردىڭ زيانى تۋرالى تۇسىندىرەمىز. ەسىرتكى قىلمىسى ءۇشىن جاۋاپكەرشىلىك تۋرالى ەسكە سالامىز. وڭىردە ەسىرتكىنىڭ تارالۋىنا جول بەرمەۋ جۇمىستارىنا ازاماتتاردى تارتۋعا تىرىسامىز»، - دەدى جەتىسۋ وبلىستىق ەسىرتكى قىلمىسىنا قارسى ءىس-قيمىل باسقارماسىنان.
جىل باسىنان وڭىردە زاڭسىز اينالىمنان 30 كەلىدەن استام ءتۇرلى ەسىرتكى زاتتارى الىندى. ەسىرتكىگە قاتىستى قۇقىق بۇزۋشىلىق جانە ەسىرتكى قىلمىستارىن جاسادى دەگەن كۇدىكپەن 80 ادام جاۋاپقا تارتىلدى. ونىڭ ىشىندە 17 ادام ەسىرتكى ساتقان.