پاريج وليمپياداسىن ۇيىمداستىرۋ كوميتەتىندە ءتىنتۋ ءجۇردى

استانا. قازاقپارات - پاريج وليمپياداسىنا 402 كۇن قالعاندا وليمپيادا ويىندارىن ۇيىمداستىرۋ كوميتەتىنە ءتىنتۋ جۇرگىزىلدى، دەپ حابارلايدى قازاقپارات Euronews اگەنتتىگىنە سىلتەمە جاساپ.

ول زاڭسىز پايدا تاپپاق بولدى دەگەن كۇدىكپەن جۇرگىزىلگەن ەكى الدىن الا تەرگەۋ اياسىندا بولدى.

تەرگەۋ ويىندى ۇيىمداستىرۋ بارىسىنداعى كەلىسىمشارتتارعا قاتىستى ءجۇرىپ جاتىر.

2024-جىلعى پاريج وليمپياداسىن ۇيىمداستىرۋ كوميتەتىنىڭ شتاب-پاتەرى مەن وليمپيادا ينفراقۇرىلىمىن جۇزەگە اسىرۋعا جاۋاپ بەرەتىن كومپانيادا (Solideo) ءتىنتۋ ءجۇردى.

AFP جازۋىنشا، 2021-جىلدىڭ ساۋىرىندە فرانسيا جەمقورلىققا قارسى كۇرەس اگەنتتىگىنىڭ وليمپيادا ويىندارىن ۇيىمداستىرۋ تۋرالى ەكى ەسەبىندە وليمپيادا بەدەلىنە نۇقسان كەلتىرەتىن «ادالدىقتى بۇزۋ قاۋپى» جانە «مۇددەلەر قاقتىعىسى» بار ەكەنى كورسەتىلگەن.

AFA ينسپەكتورلارى «باقىلاۋعا كەلمەيتىن مۇددەلەر قاقتىعىسى بولعانىن» انىقتادى.

2024-جىلعى وليمپيادا ويىندارى 26- شىلدە مەن 11- تامىز ارالىعىندا پاريجدە وتەدى.