مەديتسينا، بايلانىس جانە اۆتوبۋس تاسىمالىنا قازاقستاندىقتاردىڭ كوڭىلى تولمايدى
«قازاقستاندىق تۇتىنۋشىلار ەڭ الدىمەن مەديتسينالىق قىزمەتتەرگە ( پايىز9,3) قاناعاتتانبايتىن بولىپ شىقتى. ناقتىراق ايتقاندا، مەديتسينالىق پەرسونالدىڭ دورەكىلىگى، ۇزىنسونار كەزەك جانە ساپاسىز كورسەتىلگەن مەديتسينالىق قىزمەتتەرگە كوڭىلى تولمايدى. ەكىنشى ورىندا - بايلانىس، ونىڭ ىشىندە ينتەرنەت (33,3 پايىز). ياعني ابونەنتتىك تولەماقىنى زاڭسىز ءوسىرۋ، ساپاسىز ينتەرنەت، سول سياقتى تاريفتىك جوسپاردىڭ قۇنىن ۇلعايتۋ جانە وزگەرتۋگە قاتىستى»، - دەدى اسقار تىنىسبەكوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، وتانداستارىمىز قاناعاتتانبايتىن كەلەسى سالا - قوعامدىق كولىك جۇمىسى (30,7 پايىز).
«اتاپ ايتقاندا، جولاۋشى تاسىمالداۋ ەرەجەسىنىڭ بۇزىلۋى، پەرسونالدىڭ دورەكىلىگى، جولاقىسىن قولما-قول جانە ونلاين ەسەپ ايىرىسۋداعى باعا ايىرماشىلىعى. كەلەسى - قوعامدىق ورىندا تاماقتانۋ قىزمەتى (24,4 پايىز). ول جەردە دە دورەكىلىك جانە ساپالى قىزمەت كورسەتپەۋ، بۇلىنگەن تاماق جانە سانيتارلىق-گيگيەنالىق نورمالاردىڭ ساقتالماۋى»، - دەيدى ول.