استانا جاستارى زاڭسىز توگىلگەن قوقىستان تىگىلگەن كيىمدەردىڭ ءسان كورمەسىن وتكىزدى

استانا. قازاقپارات - «جاڭا ادامدار» جاستار قوزعالىسى استانادا زاڭسىز توگىلگەن قوقىستان تىگىلگەن كيىمدەردىڭ ءسان كورمەسىن وتكىزدى، دەپ حابارلايدى قازاقپارات ءتىلشىسى.

«جاڭا ادامدار» جاستار قوزعالىسىنىڭ مالىمەتى بويىنشا، استانادا 500 دەن استام زاڭسىز قوقىس توگەتىن ورىن بار. قوزعالىس بەلسەندىلەرى تۇرعىنداردىڭ نازارىن وسى پروبلەماعا اۋدارۋ ءۇشىن Jetisu تۇرعىن ءۇي كەشەنىنىڭ الدىنداعى قوقىس الاڭىندا «Trash Fashion Day» ءسان كورسەتىلىمىن جۇرگىزدى.

«قوقىس قالدىعىنان تىگىلگەن ءار كيىمنىڭ ۇلگىسى ەكولوگيالىق اپاتتى بەينەلەيدى. سونداي- اق، قالا اكىمدىگىنىڭ الدىندا «Trash Fashion Day» فوتوتۇسىرىلىمىن ۇيىمداستىردىق.

ۇيلەردىڭ ماڭىنداعى قوقىس الاڭدارى وزدىگىنەن جوعالىپ كەتەدى دەپ ۇمىتتەنۋگە بولمايدى. ءار ادام قورشاعان ورتانىڭ جاقسارۋىنا ءوز ۇلەسىن قوسا الادى. بۇكىل حالىق، سونىڭ ىشىندە اتقامىنەرلەر دە، استانا قالاسىنداعى باياۋ تارالاتىن ەكولوگيالىق اپاتقا نازار اۋدارمۋى كەرەك»، - دەيدى قوزعالىس بەلسەندىسى باۋىرجان امانتايەۆ.