ەلوردا ىرگەسىندەگى ءورت بوي بەرەر ەمەس

استانا. قازاقپارات - ەلوردا ىرگەسىندە ورتەنىپ جاتقان قۋراعان اعاشتى ءسوندىرۋ جۇمىسى جالعاسىپ جاتىر، دەپ حابارلايدى قازاقپارات ءتىلشىسى.

«قازىرگى ۋاقىتتا ءورت سوندىرۋشىلەر شامامەن 15 گەكتار اۋماقتى الىپ جاتقان ءورتتى ءسوندىرۋ ءۇشىن جۇمىس ىستەپ جاتىر. ۇيىتقي سوققان قاتتى جەل، باتپاقتى جەر، سونىمەن قاتار بارار جولدىڭ جوقتىعى ءورتتى ءسوندىرۋدى كۇردەلەندىرىپ وتىر. ءورتتى سوندىرۋگە استانا قالالىق توتەنشە جاعدايلار دەپارتامەنتى جەكە قۇرامىنىڭ 140 مامانى مەن 21 تەحنيكاسى، اكىمدىكتىڭ 8 سۋ شاشاتىن ماشيناسى، «استانا ورمانى» مەكەمەسىنىڭ 10 كولىگى جۇمىلدىرىلعان»، - دەپ ءمالىم ەتتى استانا قالالىق ت ج د باسپا ءسوز قىزمەتىنەن.

بۇعان دەيىن قورعالجىن تاسى جولى مەن قوسشى قالاسىنا قاراي اينالما جولدىڭ اراسىندا قۋراعان اعاشتىڭ ورتەنىپ جاتقانىن حابارلاعان ەدىك.