پرەزيدەنت قاۋىپسىزدىك كەڭەسىنىڭ وتىرىسىن وتكىزدى
جيىندا ەلىمىزدىڭ اسكەري قاۋىپسىزدىگىن قامتاماسىز ەتۋدىڭ وزەكتى ماسەلەلەرى تالقىلاندى.
قاۋىپسىزدىك كەڭەسىنىڭ ءتوراعاسى ءبىرقاتار جاۋاپتى مەملەكەتتىك ورگان باسشىلارىنىڭ بايانداماسىن تىڭدادى.
قاۋىپسىزدىك كەڭەسى قازاقستان رەسپۋبليكاسىنىڭ قارۋلى كۇشتەرى مەن باسقا دا اسكەرلەرىن، اسكەري قۇرالىمدارىن قارۋ-جاراقپەن قايتا جاراقتاۋ جانە قورعانىس ونەركاسىبى كەشەنىنىڭ 2030-جىلعا دەيىنگى دامۋ تۇجىرىمداماسىنىڭ جوباسىن قاراستىردى.
قورعانىس ونەركاسىبى، مەملەكەتتىك قورعانىس سالاسىنداعى تاپسىرىس، قارۋ-جاراق پەن اسكەري تەحنيكا اينالىمى، قورعانىس نىساندارى ينفراقۇرىلىمىن دامىتۋ سالالارىنداعى جەكەلەگەن ماسەلەلەر جونىندە جۇيەلى شارالار ازىرلەندى.
جيىن قورىتىندىسى بويىنشا پرەزيدەنت مەملەكەتتىڭ اسكەري قاۋىپسىزدىگىن قامتاماسىز ەتۋ جۇيەسىن ودان ءارى دامىتۋ جونىندە ءبىرقاتار ناقتى تاپسىرما بەردى.