اتىراۋدا جاڭا اۋەجاي سالىنادى
«زاماناۋي تالاپتارعا ساي كەلەتىن جاڭا تەرمينال سالۋدى جوسپارلاپ وتىرمىز. اتىراۋدا جولاۋشىلار اعىنى مول. سوندىقتان، قولدانىستاعى تەرمينال بۇگىنگى كۇننىڭ تالابىنا جاۋاپ بەرە المايدى»، - دەدى وبلىس باسشىسى ورتالىق كوممۋنكاتسيالار قىزمەتىندەگى باسپا ءسوز ءماسليحاتىندا باق وكىلدەرىنىڭ ساۋالىنا وراي.
ونىڭ اتاپ وتۋىنشە، قازىرگى ۋاقىتتا ينۆەستورلارمەن كەلىسسوز جۇرگىزىلىپ جاتىر.
«بۇگىندە تەرمينال قۇرىلىسىنا قاتىستى ينۆەستورلارمەن كەلىسسوز جۇرگىزىلىپ جاتىر. ول 3 ميلليون جولاۋشى لەگىنە ەسەپتەلىنەدى. سونىمەن قاتار، جۇمىس ىستەپ تۇرعان تەرمينال تەك مەملەكەتتىك ەمەس، ول جەردە تۇرىك ينۆەستورى دا بار ەكەندىگىن اتاپ وتكىم كەلەدى. سوندىقتان، كەيبىر ماسەلەنى بىرلەسىپ شەشۋىمىز قاجەت. سول سەبەپتى، كەلىسسوز پروتسەسى ءبىرشاما سوزىلادى. ول اياقتالعاننان كەيىن حابارلايمىز»، - دەدى سەرىك شاپكەنوۆ.
ءوڭىر باسشىسى تەرمينال سالىناتىن جەر ۋچاسكەسى بەلگىلى ەكەندىگىن اتاپ ءوتتى.
«مۇنان ارى كەلىسسوزدەرگە قاراي جۇمىس ىستەيمىز. قۇرىلىس جۇمىسىنىڭ باستالۋى كەلىسسوزدەردىڭ اياقتالۋىنا بايلانىستى. ءبىز دە ونىڭ تەزىرەك بولعانىنا مۇددەلىمىز»، - دەدى وبلىس اكىمى.