پاۆلودار قالاسى اكىمىنىڭ ورىنباسارى قاماۋعا الىندى
بۇل تۋرالى قازاقپارات ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
ءباسپاسوز قىزمەتىنىڭ مالىمەتتەرىنە قاراعاندا، اكىمنىڭ ورىنباسارىنا جولداردى جوندەۋ بويىنشا مەملەكەتتىك ساتىپ الۋ شارتى بويىنشا ورىندالعان جۇمىستاردىڭ اكتىلەرىنە كەدەرگىسىز قول قويعانى ءۇشىن كاسىپكەردەن پارا الدى دەگەن كۇدىك كەلتىرىلىپ وتىر.
اقشانى العاننان كەيىن ا. س. قالياقباروۆ قىلمىس ۇستىندە ۇستالىپ، پاۆلودار قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى.
ق ر ق پ ك 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
«كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق- پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى»، - دەلىنگەن حابارلامادا.