الماتىداعى ەكى جاڭا مەترو بەكەتى «شۇعىلا» جانە «تولە ءبي» دەپ اتالۋى مۇمكىن
بۇل تۋرالى قالالىق ءماسليحاتتىڭ VI سەسسياسىندا تىلدەردى دامىتۋ جانە ونوماستيكا ءبولىمىنىڭ باسشىسى باقىت قالىمبەت مالىمدەدى، دەپ حابارلايدى قازاقپارات ءتىلشىسى.
ايتۋىنشا، مەترو بەكەتى قۇرىلىسىنىڭ جوباسىنا تەحنيكالىق-ەكونوميكالىق نەگىزدەمە ازىرلەۋ ءۇشىن جاڭا بەكەتتەرگە اتاۋ بەرۋ قاجەتتىلىگى تۋىنداپ وتىر.
«ناۋرىزباي اۋدانىنداعى «شۇعىلا» شاعىن اۋدانى الاتاۋ داڭعىلىنىڭ بويىنداعى 1№ بەكەتتى ونوماستيكالىق تاجىريبەگە سۇيەنە وتىرىپ، جولاۋشىلاردىڭ باعدار الۋىنا ىڭعايلى بولۋى ءۇشىن «شۇعىلا» دەپ اتاۋ ۇسىنىلىپ وتىر. ال، الاتاۋ داڭعىلىمەن ۇزارتىلاتىن تولە ءبي كوشەسىنىڭ قيىلىسىندا بولاتىن 2№ بەكەتكە «تولە ءبي» اتاۋىن بەرۋ ۇسىنىلىپ وتىر»، - دەدى ول.
سپيكەردىڭ سوزىنشە، بۇل ۇسىنىستى الماتى قالاسى ونوماستيكا كوميسسياسى قۇپتاعان. قالا باسشىلىعى تاراپىنان دا قولداۋ تاپقان. ەندى الماتى اكىمدىگى مەن ءماسليحاتىنىڭ بىرلەسكەن شەشىمىمەن ق ر ۇكىمەتىنىڭ جانىنداعى رەسپۋبليكالىق ونوماستيكا كوميسسياسىنا جولدانادى. كوميسسيا كەلىسىم بەرسە، الماتى اكىمدىگىنىڭ قاۋلىسىمەن شەشىم قابىلدانادى.