ۇلكەن الماتى اينالما اۆتوجولى الماتىنىڭ كولىك جۇيەسىنە تۇسەتىن سالماقتى جەڭىلدەتەدى - مينيستر
«بۇگىن ەلىمىزدە بۇرىن سوڭدى بولماعان، اۆتوجول سالاسىنداعى ءىرى جوبا ءوز مارەسىنە جەتىپ وتىر. كونسەسسيونەر اشىق جانە ەكى كەزەڭدىك كونكۋرستىق راسىمدەر ارقىلى تاڭدالدى. مەملەكەتتىك- جەكەمەنشىك ارىپتەستىك مەحانيزمى بويىنشا ىسكە اسقان جوبانىڭ ماڭىزى زور»، - دەدى الىبەك قۋانتىروۆ ءۇ ا ا ج- دىڭ رەسمي اشىلۋىندا سويلەگەن سوزىندە.
ۇ ە م باسشىسى اتاپ وتكەندەي، بۇل جوبا حالىقارالىق ينۆەستورلار مەن جەتەكشى دامۋ بانكتەرىنىڭ ۇلكەن قىزىعۋشىلىعىن تۋدىردى. ءىرى ينۆەستيتسيالىق جوبا 1 جىل مەرزىمنەن وزىپ، نەبارى 3 جىل ىشىندە ىسكە قوسىلدى.
«ءۇ ا ا ج تەحنيكالىق جانە ەكولوگيالىق ستاندارتتارعا سايكەس كەلەدى. ول سەنىمدى جانە قاۋىپسىز زاماناۋي اۆتوموبيل جولى بولىپ تابىلادى. اسىرەسە، الماتى قالاسى مەن الماتى وبلىسى تۇرعىندارىنىڭ ەركىن قوزعالۋىنا سەپتىگىن تيگىزەرى ءسوزسىز»، - دەدى مينيستر.
ۇلكەن الماتى اينالما اۆتوجولىنىڭ ۇزىندىعى 66 شاقىرىم. سونداي- اق، ول 14 ەلدى مەكەندى قامتيتىن الماتى وبلىسىنىڭ ءۇش اۋدانى ارقىلى وتەدى. ءۇ ا ا ج الماتىنىڭ كولىك جۇيەسىنە تۇسەتىن سالماقتى جەڭىلدەتەدى دەپ كۇتىلۋدە. جوبانىڭ جالپى قۇنى - $743 ميلليون.