بوكستان قازاقستاننىڭ ەڭبەك سىڭىرگەن جاتتىقتىرۋشىسى وگەي قىزىن زورلادى دەگەن كۇدىككە ءىلىندى
21:58, 15 - ماۋسىم 2023
استانا. قازاقپارات - بوكستان قازاقستاننىڭ ەڭبەك سىڭىرگەن جاتتىقتىرۋشىسى ساپابەك مۇقىشيەۆ زورلادى دەگەن كۇدىككە ءىلىندى، - دەپ حابارلايدى «استانا» تەلەارناسى.
ارىزدى كۇدىكتىنىڭ 20 جاستاعى وگەي قىزى 2022-جىلعى قاراشادا جازعان، ءبىراق بۇل قازىر عانا بەلگىلى بولعان.
بۇل دەرەككە قاتىستى بىردەن 2 باپ - «زورلاۋ» جانە «بىرنەشە رەت زورلاۋ» بويىنشا سوتقا دەيىنگى تەرگەۋ باستالدى.
«تەرگەۋ اياسىندا ءبىرقاتار سوت-مەديتسينالىق ساراپتاما تاعايىندالىپ، جۇرگىزىلدى، ونىڭ قورىتىندىسى بويىنشا سوڭعى پروتسەسسۋالدىق شەشىم قابىلدانادى. كۇدىكتىگە قاتىستى بۇلتارتپاۋ شاراسى تاڭدالمادى، زارداپ شەككەن تاراپ قورعاۋعا الىندى»، - دەپ حابارلادى قوستاناي وبلىستىق پوليتسيا دەپارتامەنتىنىڭ باسپا ءسوز قىزمەتى