تاشكەنت قالاسىنىڭ ازاماتتىق ىستەر جونىندەگى ياكقاساراي اۋدانارالىق سوتى پەتر يسلام ۇلى كاريموۆتىڭ وزبەكستاننىڭ تۇڭعىش پرەزيدەنتىنىڭ جەسىرى تاتيانا اكبار قىزى كاريموۆاعا قارسى تالاپ ارىزىن قارايدى. 26 -ماۋسىمعا جوسپارلانعان وتىرىس تۋرالى اقپارات جوعارعى سوتتىڭ سايتىندا سوت وتىرىستارىنىڭ كەستەلەرى بولىمىندە ورنالاستىرىلعان.
كەستەدەگى اقپاراتقا سايكەس، قارالاتىن ءىس «مۇراگەرلىك قۇقىعىنان تۋىندايتىن داۋلارعا» قاتىستى بولماق.
پەتر كاريموۆ - يسلام كاريموۆتىڭ ناتاليا كۋچمامەن العاشقى نەكەسىندە دۇنيەگە كەلگەن ۇل. قازىرگى ۋاقىتتا ول رەسەيدىڭ ماسكەۋ وبلىسىندا تۇرادى، دەپ جازادى ب ا ق. يسلام كاريموۆ 2016 -جىلدىڭ 2-قىركۇيەگىندە قايتىس بولدى. ونىڭ تاتيانا كاريموۆامەن نەكەسىنەن ەكى قىز بار - گۇلنار جانە لولا. تۇڭعىش پرەزيدەنتتىڭ رەسمي ءومىربايانىندا ونىڭ ءۇش بالاسى بار ەكەندىگى كورسەتىلگەن.
اۆتور:
زارينا تۋعانبايەۆا