اباي وبلىسىنداعى ورتتەن جابايى جانۋارلار قىرىلىپ جاتىر ما؟
09:56, 14 - ماۋسىم 2023
استانا. قازاقپارات - ەكولوگيا جانە تابيعي رەسۋرستار مينيسترلىگى اباي وبلىسىنداعى ورتتەن جابايى جانۋارلاردىڭ قىرىلۋىنا قاتىستى تۇسىنىك بەردى، - دەپ حابارلايدى Massaget.kz ءتىلشىسى.
«قازىرگى تاڭدا اباي وبلىسىنداعى ورمان ورتىنەن جابايى جانۋارلاردىڭ قىرىلۋى تۋرالى ناقتى دەرەكتەر جوق. ءوڭىردىڭ بيوالۋانتۇرلىلىگىنە كەلتىرىلگەن زالالدى تولىق باعالاۋ ءورت سوندىرگەننەن كەيىن عانا جۇرگىزىلەدى. پوپۋلياتسيانىڭ جاي-كۇيى مەن قاۋىپسىزدىگى تۋرالى اقپارات ءورت ءسوندىرۋ جۇمىستارى اياقتالعاننان كەيىن جانە ورمان ءورتىنىڭ سالدارىن باعالاۋدان كەيىن بەرىلەدى»، - دەلىنگەن حابارلامادا.