ەلوردادا قويان-قولتىق ۇرىستان الەم چەمپيوناتى وتەدى
جاقسىلىق ۇشكەمپىروۆ اتىنداعى جەكپە-جەك سارايىندا وتەتىن جارىستى «بۇكىل قازاقستاندىق قويان-قولتىق ۇرىس قاۋىمداستىعى» ۇيىمداستىرادى.
الەم چەمپيوناتىنا 28 ەلدەن (ازەربايجان، ارمەنيا، اۋعانستان، بەلارۋس، گانا، گەرمانيا، ءۇندىستان، يوردانيا، يران، قىرعىزستان، رۋمىنيا، رەسەي، تاجىكستان، وزبەكستان، ۆەنەسۋەلا، قىتاي، كولۋمبيا، يتاليا، يسپانيا، پەرۋ، ا ق ش، سەنەگال، تايلاند، چەحيا، پولشا، مولدوۆا، موڭعوليا، قازاقستان) 300 گە جۋىق سپورتشى قاتىسادى.
چەمپيونات «جەكپە-جەك» (8 ەرلەر، 6 ايەلدەر جانە 2 ابسوليۋتتى سالماق كاتەگوريالارى) جانە «ءوزىن-ءوزى قورعاۋ» (11 ەرلەر، 5 ايەلدەر سالماق كاتەگوريالارى) تۇرلەرى بويىنشا وتەدى.
چەمپيونات باعدارلاماسى:
16- ماۋسىم، «ءوزىن-ءوزى قورعاۋ» (قاتىسۋشىلار قارۋسىز جانە قارۋلى شابۋىلدان ءوزىن-ءوزى قورعاۋ تاسىلدەرىن كورسەتەدى).
10.00-13.00 الدىن الا كەزدەسۋ.
14.00-19.00 جارتىلاي فينالدىق جانە فينالدىق جەكپە-جەكتەر. ماراپاتتاۋ.
17- ماۋسىم، «جەكپە-جەك»:
10.00-13.00 الدىن الا كەزدەسۋ.
14.00-19.00 جارتىلاي فينالدىق جانە فينالدىق جەكپە-جەكتەر.
18- ماۋسىم، ساعات 17.00-20.00:
الەم چەمپيوناتىنىڭ اشىلۋى. فينالدىق جەكپە-جەكتەر. ماراپاتتاۋ.
چەمپيوناتتىڭ سوڭعى كۇنى الەمنىڭ ەڭ مىقتى سپورتشىلارى اراسىنداعى باسەكە اراسىنداعى ۇزىلىستەردە جانكۇيەرلەر نازارىنا وتاندىق شوۋ- بيزنەس جۇلدىزدارىنىڭ قاتىسۋىمەن بولاتىن كونسەرتتىك باعدارلاما ۇسىنىلادى.