وتاندىق اۋىل شارۋاشىلىعى سالاسىنا مولىنان ينۆەستيتسيا سالعان ەلدەر بەلگىلى بولدى
بۇل تۋرالى ق ر اۋىل شارۋاشىلىعى ءمينيسترى ەربول قاراشوكەيەۆ مالىمدەدى، دەپ حابارلايدى قازاقپارات ءتىلشىسى.
استانا حالىقارالىق فورۋمىنىڭ اياسىندا ب ا ق وكىلدەرىنىڭ ساۋالىنا جاۋاپ بەرگەن مينيستر وتاندىق اۋىل شارۋاشىلىعى سالاسىنا ينۆەستيتسيا سالىپ جاتقان نەگىزگى ەلدەردى اتادى.
«نەگىزگى ينۆەستورلار - ەۋروپالىق وداق ەلدەرى، قىتاي، رەسەي. سوڭعى كەزدەرى بۇل سەكتورعا ا ق ش تا كىرە باستادى»، - دەدى ەربول قاراشوكەيەۆ.
ول سونداي- اق بۇگىندە قازاقستاندا ينۆەستورلارعا قولايلى جاعداي جاسالعانىن اتاپ ءوتتى.
«ءبىز ءوز تاراپىمىزدان ينۆەستورلاردىڭ جۇمىسى ءۇشىن بارلىق قاجەتتى جاعدايدى جاساۋعا تىرىسامىز. ءبىزدىڭ جوسپارىمىزعا سايكەس، الداعى بەس جىلدا ءبىز نارىققا بىرنەشە ءىرى ينۆەستورلاردى تارتىپ، ەلىمزدە ءونىمدى تەرەڭ وڭدەۋ بويىنشا كاسىپورىندار اشقىمىز كەلەدى»، - دەپ تولىقتىردى ەربول قاراشوكەيەۆ.
سونىمەن بىرگە، ەربول قاراشوكەيەۆ قاتار ينۆەستورلارى قازاقستاندا استىق وڭدەۋ زاۋىتىن سالۋعا نيەتتى ەكەنىن ءمالىم ەتتى.