الماتىلىق دارىگەرلەر گەمورروي اۋرۋىن شاعىن ينۆازيۆتى زاماناۋي ادىسپەن ەمدەيدى
الماتى قالالىق №7 كلينيكالىق اۋرۋحانانىڭ باسپا ءسوز قىزمەتىنىڭ مالىمەتىنشە، 47 جاستاعى پاتسيەنتتىڭ گەموررويمەن اۋىرعانىنا شامامەن ون جىل بولعان.
«بوسانعان كەزدە پايدا بولعان اۋرۋدىڭ اسقىنعانى سونشالىق، سوڭعى كەزدە ۇلكەن دارەتكە وتىرۋ ۇلكەن پروبلەماعا اينالعان. جەتىنشى اۋرۋحانانىڭ كولوپروكتولوگيا بولىمشەسىنىڭ ماماندارى وعان 3-دارەجەلى گەمورروي دەگەن دياگنوزىن قويدى. ەپيدۋرالدى جانسىزداندىرۋ ارقىلى تىك ىشەككە لونگو وپەراتسياسى جاسالدى. زاماناۋي اپپاراتتىڭ كومەگىمەن جاسالعان وتا ءساتتى ءوتتى. پاتسيەنت ءۇشىنشى كۇنى اۋرۋحانادان شىقتى. سەبەبى، شاعىن ينۆازيۆتى وتا ورنى ءداستۇرلى وپەراتسياعا قاراعاندا تەز جازىلادى، اۋىرسىنۋ سەزىمى دە الدەقايدا تومەن بولادى. ناۋقاستار ەكىنشى كۇنى اياققا تۇرىپ كەتەدى. جالپى، مۇنداي وتادان سوڭ ناۋقاستىڭ دەنساۋلىعى 7-8 كۇندە قالىپقا كەلەدى»، - دەپ حابارلادى اۋرۋحانانىڭ باسپا ءسوز قىزمەتى.
وتا مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندە جاسالدى.
№7 اۋرۋحانانىڭ كولوپروكتولوگيا ءبولىمىنىڭ مەڭگەرۋشىسى مارات كالەنبايەۆتىڭ ايتۋىنشا، لونگو وپەراتسياسى گەموررويدىڭ III جانە IV- ساتىسىندا قولدانىلادى.
«ول تىكىشەكتىڭ اناتوميالىق قۇرىلىمىن قالپىنا كەلتىرۋگە مۇمكىندىك بەرەدى. بۇل ءادىستى قولدانعاندا زاقىمدانعان ىشەكتەر كەسىپ الىنباي، كەرىسىنشە جوعارى قاراي تارتىلادى. ىشەكتەگى شىرىشتى قابىقتىڭ گەمورروي تۇيىندەرىنەن جوعارى ورنالاسقان بولىگىن كەسىپ الىپ تاستاعان سوڭ، تۇيىندەر وزدىگىنەن ءتۇسىپ قالادى»، - دەدى مارات كالەنبايەۆ.
دارىگەر سونداي- اق گەمورروي بۇگىنگى كۇنى كەڭ تارالعان اۋرۋ تۇرىنە جاتاتىنىن ايتتى.
«دارىگەر كومەگىنە ۋاقىتىندا جۇگىنۋ كەرەك جانە بۇل ماسەلەنى ءوز بەتىنشە شەشۋگە بولمايدى. ءوزىن - ءوزى ەمدەۋدىڭ ناتيجەسى اۋرۋدىڭ اسقىنۋىنان اكەلۋى مۇمكىن، - دەپ ەسكەرتتى دارىگەر.
سىرقاتتان جازىلعان ايەل باقىت سىيلاعان، جۇمىس ىستەۋگە، ادامشا ءومىر سۇرۋگە مۇمكىندىك بەرگەن اق حالاتتى جاندارعا العىس ايتتى.