بىرىككەن اراب امىرلىكتەرى كومپانياسى جامبىل وبلىسىندا جەل ەلەكتر ستانسيالارىن سالادى
20:55, 06 - ماۋسىم 2023
استانا. قازاقپارات - قازاقستاننىڭ بىرىككەن اراب امىرلىكتەرىندەگى ەلشىسى ماديار مەڭىلبەكوۆ «Masdar» كومپانياسىنىڭ باس اتقارۋشى ديرەكتورى مۇحاممەد ءال- راماحيمەن كەزدەستى.
كەلىسسوز بارىسىندا تاراپتار كومپانيانىڭ جامبىل وبلىسىندا جەل ەلەكتر ستانسيالارىن سالۋ جوسپارىن راستادى، دەپ حابارلايدى قازاقپارات سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
كەزدەسۋ سوڭىندا تاراپتار وسى جىلدىڭ 8-9- ماۋسىمىندا وتەتىن استانا حالىقارالىق فورۋمىندا «Masdar» قازاقستاننىڭ مەملەكەتتىك ورگاندارى جۇزەگە اسىراتىن جول كارتاسىنا قول قويادى دەگەن ۋاعدالاستىققا قول جەتكىزدى.
ايتا كەتەيىك، 2006 -جىلى قۇرىلعان «Masdar» كومپانياسى جاڭارتىلاتىن ەنەرگيا كوزدەرى جانە تۇراقتى دامۋ سالاسىنداعى الەمدىك كوشباسشى بولىپ سانالادى.