مۇقتاج وتباسىنان شىققان ستۋدەنتتەردىڭ پاتەر جالداۋ شىعىنىن مەملەكەت وتەۋى مۇمكىن

استانا. قازاقپارات - حالىقتىڭ الەۋمەتتىك وسال توبىنان شىققان ستۋدەنتتەردىڭ پاتەر جالداۋ شىعىندارى وتەلۋى مۇمكىن. بۇل جايىندا پرەمەر- ءمينيستردىڭ ورىنباسارى التاي كولگىنوۆتىڭ ءماجىلىس دەپۋتاتتارى ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسىن ورىنداۋ اياسىندا حالىقتىڭ الەۋمەتتىك وسال توپتارىنىڭ جەكەلەگەن ساناتتارى قاتارىنان باسقا قالادان كەلگەن ستۋدەنتتەردىڭ جاتاقحانادا تۇرۋعا جۇمسالاتىن شىعىنىن سۋبسيديالاۋ ماسەلەسى پىسىقتالىپ جاتىر. وقۋ- اعارتۋ، عىلىم جانە جوعارى ءبىلىم مينيسترلىكتەرىنىڭ دەرەكتەرى بويىنشا 2022-2023 وقۋ جىلىندا جوعارى وقۋ ورىندارى مەن كوللەدجدەردە حالىقتىڭ الەۋمەتتىك وسال توپتارى ساناتىنان شامامەن 218,5 مىڭ ستۋدەنت (ج و و- دا 168,1 مىڭ ادام، كوللەدجدەردە 50,3 مىڭ ادام) وقىپ ءجۇر. وسىعان بايلانىستى ءۇش جىلدىق بيۋدجەتكە قوسىمشا قاجەتتىلىك شامامەن 54,7 ميلليارد تەڭگەنى (ج و و ستۋدەنتتەرىنە - 42 ميلليارد تەڭگە، كوللەدجدەر - 12,7 ميلليارد تەڭگە) قۇرايدى»، - دەپ اتاپ وتەدى ۇكىمەت باسشىسىنىڭ ورىنباسارى.

سونىمەن قاتار ۆيتسە- پرەمەر ستۋدەنتتەردىڭ پاتەر جالداۋعا جۇمسايتىن شىعىندارىن وتەۋ ءۇشىن وقۋ- اعارتۋ، عىلىم جانە جوعارى ءبىلىم مينيسترلىكتەرى رەسپۋبليكالىق بيۋدجەتتىڭ مۇمكىندىكتەرىن ەسكەرە وتىرىپ، مەملەكەتتىك الەۋمەتتىك كومەككە ەڭ مۇقتاج ەكى ساناتتى انىقتاعانىن ايتادى.

«ولار - جەتىم جانە اتا- اناسىنىڭ قامقورلىعىنسىز قالعان ستۋدەنتتەر (1846 ادام)، مۇگەدەكتىگى بار ادامدار، بالا كەزىنەن مۇگەدەكتىگى بار ادامدار، مۇگەدەكتىگى بار بالالار (758 ادام). ءۇش جىلدىق بيۋدجەتكە قاجەتتىلىك - شامامەن 1,9 ميلليارد تەڭگە»، - دەدى التاي كولگىنوۆ.