قاسىم- جومارت توقايەۆ ەل تۇرعىندارىن مەملەكەتتىك رامىزدەر كۇنىمەن قۇتتىقتادى
09:48, 04 - ماۋسىم 2023
استانا. قازاقپارات - مەملەكەت باسشىسى قاسىم- جومارت توقايەۆ مەملەكەتتىك رامىزدەر كۇنىنە وراي Twitter پاراقشاسىندا قۇتتىقتاۋ جاريالادى.
- بارشا وتانداسىمدى مەملەكەتتىك رامىزدەر كۇنىمەن قۇتتىقتايمىن! ەلىمىز ءۇشىن كوك بايراعىمىزدىڭ، ەلتاڭبامىز بەن ءانۇرانىمىزدىڭ ءمان- ماڭىزى ايرىقشا. بۇل قۇندىلىقتار بويىمىزعا زور ماقتانىش جانە جاۋاپكەرشىلىك سەزىمىن ۇيالاتادى. مەملەكەتتىك رامىزدەردى قادىرلەۋ - ءار ازاماتتىڭ قاستەرلى پارىزى! - دەپ جازىلعان قۇتتىقتاۋدا.
ايتا كەتەيىك، بيىل مەملەكەتتىگىمىزدىڭ سيمۆولدارىنىڭ قابىلدانعانىنا 31 جىل تولىپ وتىر.