قازاق تىلىندەگى باعدارلامامەن جاساقتالعان ۋلترادىبىستىق زەرتتەۋ اپپاراتتارىن ءوندىرۋ باستالدى
سامسۋنگ م ەديسون ك و. ل ت د - «سامسۋنگ ەلەكترونيكس ك و. ل ت د» (Samsung Electronics Co., Ltd) ەنشىلەس كومپانياسى - وڭتۇستىك كورەياداعى ۋلترادىبىستىق مەديتسينالىق دياگنوستيكالىق جابدىقتىڭ ءوندىرۋشىسى بولىپ تابىلادى.
ۋلترادىبىستىق اپپاراتتاردى ءوندىرۋ جونىندەگى جوبا «Ordamed» ا ق جەرگىلىكتى ءوندىرۋشىسىنىڭ الاڭىندا ىسكە قوسىلدى، وندا Samsung Medison كومپانياسى اكۋشەرلىك جانە گينەكولوگيادا ۇرىقتىڭ ءوسۋىن، جاي- كۇيىن جانە ايەلدەردىڭ دەنساۋلىعىن زەرتتەۋ ءۇشىن پايدالانىلاتىن جانە دياگنوستيكانىڭ تيىمدىلىگىن ارتتىرۋعا كومەكتەسەتىن بىرەگەي يننوۆاتسيالىق تەحنولوگيالار ترانسفەرتىن ەنگىزدى. جوبا بىرەگەي جانە دياگنوستيكالاناتىن جۇيەلەردىڭ باعدارلامالىق جاساقتاماسى مەملەكەتتىك تىلدە جاسالعاندىعىمەن ەرەكشەلەنەدى.
اجار عينيات ءوزىنىڭ قۇتتىقتاۋ سوزىندە ق ر دەنساۋلىق ساقتاۋ مينيسترلىگى دەنى ساۋ ۇلت، اۋىلدىق دەنساۋلىق ساقتاۋ، فارماتسيەۆتيكالىق جانە مەديتسينالىق ونەركاسىپتى دامىتۋ جانە باسقا دا ستراتەگيالىق قۇجاتتار بويىنشا جۇمىس جۇرگىزىپ جاتقانىن اتاپ ءوتتى.
«مەديتسينالىق تەحنيكانىڭ ءىرى حالىقارالىق وندىرۋشىلەرىن تارتۋ شەڭبەرىندە مينيسترلىك مەديتسينالىق تەحنيكامەن جاراقتاندىرۋ جونىندەگى 5 جىلعا ارنالعان كەشەندى جوسپاردىڭ جوباسىن ازىرلەدى»، - دەپ اتاپ ءوتتى مينيستر.
كەڭەستىڭ بارىسىندا «Ordamed» كومپانياسى تاياۋداعى ەكى جىلدىڭ ىشىندە مەديتسينالىق جابدىقتاردىڭ 70-تەن استام ءتۇرىن ءوندىرۋدى باستاۋ جوسپارلانعانىن حابارلادى. بۇگىنگى تاڭدا وندىرىلەتىن ءونىم جەلىسىن كەڭەيتۋ ءۇشىن (اكۋشەرلىك، گينەكولوگيا، ۋلترادىبىستىق دياگنوستيكا، حيرۋرگيا) Samsung Medison, JW Medical جانە Genoray سياقتى ءىرى كورەيالىق كومپانيالارمەن مەديتسينالىق تەحنيكا ءوندىرىسىن ورنالاستىرۋعا شارتتار جاسالدى.
الماتى قالاسىندا مەديتسينالىق جابدىقتار وندىرەتىن زاۋىت سالۋ كوزدەلگەن، قۇرىلىستىڭ ءبىرىنشى كەزەڭىندە ينۆەستيتسيالار 1,3 ملرد. تەڭگەدەن اسادى جانە 50-دەن استام تۇراقتى جۇمىس ورنىن اشادى. زاۋىت جوبالىق قۋاتقا شىققان كەزدە جۇمىس ورىندارىنىڭ سانى 150-دەن استام بولۋى مۇمكىن.
«وتكەن KIHE قازاقستاندىق حالىقارالىق كورمەسىندە 2023 -جىلعى 15 -مامىردا الماتى قالاسىندا باعدارلامالىق جاساقتاماعا قازاق ءتىلىن ەنگىزە وتىرىپ، العاشقى ۋلترادىبىستىق دياگنوستيكا اپپاراتى تانىستىرىلدى»، - دەدى Ordamed كومپانياسىنىڭ وكىلى.
ەكى جاقتى كەزدەسۋدىڭ قورىتىندىسى بويىنشا اجار عينيات ارىپتەستەرىنە جەمىستى جۇمىسى ءۇشىن العىس ايتىپ، جوبانىڭ بىرەگەيلىگى جانە ودان ءارى بىرلەسكەن ءىس- شارالاردا ىنتىماقتاستىق قاجەتتىلىگى تۋرالى اتاپ ءوتتى.