وتاندىق درون سىناقتان ءساتتى ءوتتى

استانا. قازاقپارات - «قازاقستان ينجينيرينگ» ۇلتتىق كومپانياسى» ا ق جاڭارتىلعان ۇلگىدەگى «شاعالا- م» ۇشقىشسىز ۇشۋ اپپاراتىنىڭ سىناق جۇمىستارىن ءساتتى اياقتادى، دەپ حابارلايدى ق ر ي ي د م باسپا ءسوز قىزمەتى.

وتاندىق دروننىڭ تاكتيكالىق جانە تەحنيكالىق سيپاتتامالارى جاقسارتىلىپ، جىلدامدىعى، اۋەگە كوتەرىلۋى جانە ۇشۋ اۋقىمى كەڭەيدى.

«قازاقستان ينجينيرينگ» ۇلتتىق كومپانياسى» ا ق- نىڭ باسقارما ءتوراعاسى تەمىرجان ءابدىراحمانوۆ ايتقانداي، ەلىمىزدە قۇراستىرىلعان ۇ ۇ ا امبەباپتىعىمەن ەرەكشە. ماسەلەن، ونى مۇناي- گاز، ەنەرگەتيكا سەكتورلارى جانە ازاماتتىق قورعانىستا، ونىڭ ىشىندە ىزدەۋ- قۇتقارۋ جۇمىستارىندا قولدانۋعا بولادى. بۇعان قوسا قازاقستاندىق ءونىمنىڭ توتەنشە جاعداي كەزىندە تىكۇشاقتى الماستىرىپ، مۇناي جانە گاز قۇبىرلارىنا، سونداي- اق ەلەكتر جەلىلەرىنە باقىلاۋ جۇرگىزۋدە پايداسى كوپ.

«شاعالا- م» اپپاراتىنىڭ ارتىقشىلىعى وعان ۇشىپ- قونۋ جولاعى قاجەتى جوق. باعاسى شەتەلدىك انالوگتارمەن سالىستىرعاندا ارزان. اتالعان ءونىمدى ساتۋ ماسەلەسىنە كەلسەك، س ت- KZ جانە يندۋستريالىق سەرتيفيكاتتارى مەن پاتەنتى بار»، - دەدى «قازاقستان ينجينيرينگ» R&D ورتالىعىنىڭ باس ديرەكتورى عاني بايسەيىتوۆ.

بۇل ورايدا بيىل ق ر يندۋستريا جانە ينفراقۇرىلىمدىق دامۋ مينيسترلىگى قازاقستاننىڭ اۋە كەڭىستىگىندە ۇشقىشسىز ۇشۋ اپپاراتتارىن پايدالانۋ جونىندەگى ەرەجەنى ازىرلەپ، سوعان سايكەس اۋە كەڭىستىگىن پايدالانۋ تارتىبىنەن بولەك ۇشۋ اپپاراتتارىن ەسەپكە الۋ، ساناتتارعا ءبولۋ مەن دروندارعا رۇقسات قۇجاتتارىن بەرۋ جولدارى قاراستىرىلعان.

بۇدان باسقا ۇلتتىق كومپانيانىڭ اۆياتسيالىق- وقۋ ورتالىعىندا ازاماتتىق ماقساتتاعى دروندار مەن كوپتەرلەردىڭ قاۋىپسىز جانە ءتيىمدى جۇمىسىن قامتاماسىز ەتۋ ءۇشىن ۇشقىشتار مەن مەحانيكتەردى دايارلاۋ باعدارلاماسى ىسكە قوسىلعانىن ايتا كەتەيىك.