قازاقستان س ءى م باسپا ءسوز قىزمەتى سولتۇستىك كورەيا ۇشىرعان زىمىرانعا پىكىر ءبىلدىردى
«قازاقستان سولتۇستىك كورەيانىڭ يادرولىق باعدارلاماسى توڭىرەگىندەگى احۋالدىڭ دامۋىن مۇقيات قاداعالاپ وتىر. يادرولىق قارۋدى سىناۋ جانە بالليستيكالىق زىمىرانداردى ۇشىرۋ يادرولىق قارۋسىزدانۋ پروتسەسىنە تەرىس اسەر ەتەدى جانە ايماقتىق ءارى جاھاندىق اۋقىمدا قاۋىپسىزدىككە قاۋىپ توندىرەدى. يادرولىق قارۋسىز مەملەكەت رەتىندە يادرولىق قارۋدى تاراتپاۋ تۋرالى شارتقا قوسىلعان قازاقستان جاپپاي قىرىپ-جوياتىن قارۋدى تاراتپاۋدىڭ حالىقارالىق رەجيمىن قاتاڭداتۋدى دايەكتى تۇردە جاقتايدى» دەلىنگەن مالىمدەمەدە.
ايتا كەتەيىك، بۇگىن، 31-مامىر تاڭەرتەڭ سولتۇستىك كورەيا ءوزىنىڭ العاشقى عارىشتىق سپۋتنيگىن وربيتاعا شىعارۋ ءۇشىن بالليستيكالىق زىمىران ۇشىرعانى حابارلانعان ەدى.
قازاقستان ك ح د ر زىمىرانىنىڭ كەزەكتى ۇشىرىلىمىن ب ۇ ۇ قاۋىپسىزدىك كەڭەسىنىڭ قارارىن بۇزۋ رەتىندە قاراستىرادى.
«سولتۇستىك كورەيا بيلىگىن ب ۇ ۇ قاۋىپسىزدىك كەڭەسىنىڭ تالاپتارىن قاتاڭ ساقتاۋعا شاقىرامىز» دەيدى مينيسترلىكتىڭ باسپا ءسوز قىزمەتى.
ەسكە سالا كەتەيىك، بۇگىن قازاقستانعا رەسمي ساپارمەن كەلگەن وڭتۇستىك كورەيا سىرتقى ىستەر ءمينيسترى بالليستيكالىق زىمىران ۇشىرعان سولتۇستىك كورەيانى ايىپتاعان بولاتىن.