ەلورداداعى قابانباي باتىر داڭعىلى ۋاقىتشا جابىلدى
12:37, 31 - مامىر 2023
استانا. قازاقپارات - ەلوردادا قابانباي باتىر داڭعىلىنداعى جولعا ورتاشا جوندەۋ جۇمىسى جۇرگىزىلۋدە، دەپ حابارلايدى استانا اكىمدىگىنىڭ رەسمي سايتى.
ورتاشا جوندەۋ جول قوزعالىسى قاۋىپسىزدىگىن قامتاماسىز ەتۋ ماقساتىندا قالانىڭ پ د اكىمشىلىك پوليتسيا باسقارماسىنىڭ كەلىسىمى بويىنشا جۇزەگە اسىرىلادى. قابانباي باتىر داڭعىلى بويىنشا قورعالجىن تاس جولىنان سارايشىق كوشەسىنە دەيىن جۇمىس جۇرگىزىلۋدە. وسىعان بايلانىستى بيىل 31-مامىردان 4 -ماۋسىمعا دەيىن جوعارىدا اتالعان ۋچاسكەدە اۆتوكولىك قۇرالدارى ءۇشىن قوزعالىس تولىعىمەن جابىلاتىن بولادى.
ەلوردا تۇرعىندارى مەن قوناقتارى جول- قۇرىلىسىنىڭ جۇرگىزىلۋىنە تۇسىنىستىكپەن قاراۋدى جانە قالا جولدارىنداعى كەپتەلىس جاعدايلارىن بولدىرماۋ ماقساتىندا قوزعالىس باعىتىن الدىن الا جوسپارلاۋى قاجەت.