قازاقستاننىڭ بىتىمگەرشىلەرى ۋكراينا مەن رەسەي شەكاراسىنا جىبەرىلۋى مۇمكىن بە
بۇگىن ماجىلىستەگى باسپا ءسوز ءماسليحاتىندا تىلشىلەر ءمينيستردىڭ ورىنباسارىنان قازاقستاننىڭ بىتىمگەرشىلەرىن ۋكراينا مەن رەسەي شەكاراسىنا جىبەرۋ مۇمكىندىگى تۋرالى سۇراق قويدى.
ءوز كەزەگىندە س. قامالەتدينوۆ مۇنداي شەشىم قابىلداۋدىڭ رەتى جوق ەكەنىن ايتتى.
«مۇنداي تاۋەكەلدەر جوق. بۇل تۇرعىدا مەملەكەتتىڭ ەرىكتى نەگىزدە قاتىسۋى ەسكەرىلگەن. ەكىنشىدەن، اسكەري كونتينگەنتتى مەملەكەتتەن تىس جەرگە باعىتتاعان كەزدە، بۇل شەشىمدى الدىمەن پارلامەنت ماقۇلداۋى ءتيىس»، - دەدى سۇلتان قامالەتدينوۆ تىلشىلەر سۇراعىنا جاۋاپ بەرە وتىرىپ.
وسى رەتتە ول بۇل ماسەلەگە قاتىستى شەشىم پارلامەنتتىڭ قۇزىرەتىندە ەكەنىن، سوندىقتان قورعانىس مينيسترلىگى بىتىمگەرلەردى باعىتتاۋعا قاتىستى ءوز ەركىمەن بۇيرىق شىعارمايتىنىن ايتتى.
بۇدان بۇرىن حابارلانعانداي، بىلتىر كۇزدە قازاقستان سىرتقى ىستەر مينيسترلىگى رەسەي- ۋكراينا جانجالى ايماعىنا ۇجىمدىق قاۋىپسىزدىك تۋرالى شارت ۇيىمىنىڭ (ۇ ق ش ۇ) قاتىسۋى كۇن تارتىبىندە تۇرماعانىن مالىمدەدى.