تولىعىراق استانا قالاسى جاستار ساياساتى ماسەلەلەرى باسقارماسىنىڭ باسشىسى قايرات قامباروۆ ايتىپ بەردى، دەپ حابارلايدى قازاقپارات ءتىلشىسى.
«وتكەن جىلدىڭ قورىتىندىسى بويىنشا ەلوردادا 10669 جۇپ نەكەسىن قيعان، ال اجىراسقان جۇپتار سانى - 4289. جاستار اراسىندا وتباسىلىق قۇندىلىقتاردى ءتۇسىندىرۋ، مادەنيەت، ۇلتتىق ءداستۇر مەن مورالدىق قۇندىلىقتار نەگىزىندە نەكە جانە وتباسى ينستيتۋتىن نىعايتۋ ماقساتىندا ءبىزدىڭ باسقارما «وتباسى - باقىت مەكەنى» اتتى اۋقىمدى ءىس-شارالار كەشەنىن جۇزەگە اسىرىپ جاتىر»، - دەدى قايرات قامباروۆ استانا قالاسىنىڭ كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، 2022-جىلى وتباسىلىق قۇندىلىقتاردى ناسيحاتتاۋ باعىتىندا 7 باعىتتا كەشەندى شارا قولعا الىنعان.
«جاس وتباسىلارعا ارناپ قارىم-قاتىناستاعى پروبلەمالار مەن داعدارىستار، ونى شەشۋ جولدارى، دۇرىس تاربيە، پسيحولوگيالىق تراۆمادان قالاي اۋلاق بولۋ جولدارى، تابىستى تۇلعانى قالاي تاربيەلەۋ كەرەك، اجىراسۋ جانە ونىڭ الەۋمەتتىك-پسيحولوگيالىق سالدارى تاقىرىپتارىندا سەمينار ۇيىمداستىرىلدى. ونىڭ ناتيجەسىندە سەمينار-ترەنينگتەردىڭ بەلسەندى قاتىسۋشىلارىنا وتباسىلىق كەشكى اس، فوتوسەسسيا جانە اسپازدىق شەبەرلىك ساباقتارىنا سەرتيفيكات تابىستالدى»، - دەيدى ول.
باسقارما باسشىسىنىڭ مالىمدەۋىنشە، سەمينارعا 30 عا جۋىق ەرلى-زايىپتى قاتىسقان.
سەميناردا ارت-تەراپيەۆتەر، پسيحولوگتار، قارجىگەرلەر جانە پەداگوگ-پسيحولوگتار سپيكەر بولعان.