كوكشەتاۋدا اعىلشىن پانىنەن ءۇش الىپ قالعان ستۋدەنت قىز وزىنە قول جۇمساعان
بەيرەسمي مالىمەتتەر بويىنشا قىز كوكشەتاۋداعى پەداگوگيكالىق كوللەدجدە وقىعان. اعىلشىن پانىنەن ەمتيحاندا تومەن باعا العاندىقتان وسىنداي ارەكەتكە بارعان كورىنەدى.
اقمولا وبلىستىق پ د باسپا ءسوز قىزمەتىنەن ستۋدەنت قىزدىڭ قايتىس بولعانىن راستادى جانە وسى وقيعاعا بايلانىستى تەرگەۋ امالدارى جۇرگىزىلىپ جاتقاندىعىن اتاپ ءوتتى.
«قىلمىستىق كودەكستىڭ 105-بابى «ولىمگە يتەرمەلەۋ» بويىنشا سوتقا دەيىنگى تەرگەۋ امالدارى جۇرگىزىلۋدە. الدىن الا انىقتالعان مالىمەت بويىنشا، قىز وزىنە- ءوزى قول جۇمساعان جانە ارتىندا جازبا قالدىرعان. قازىرگى ۋاقىتتا بۇل قىلمىستىق ءىستى تەرگەۋ جالعاسۋدا»، - دەدى اقمولا وبلىسى پد باسپا ءسوز قىزمەتىنىڭ رەسمي وكىلى اسەم ءابدىراحمانوۆا.
ايتا كەتسەك، بۇدان بۇرىن كوكشەتاۋدا ءۇش قىزدى جەزوكشەلىكپەن اينالىسۋعا يتەرمەلەگەن 25 جاستاعى ايەل ۇستالعانىن جازعان ەدىك.