ارمەنيا مەن ازەربايجان ءوزارا تەرريتوريالىق تۇتاستىعىن مويىنداۋ تۋرالى كەلىسىمگە كەلدى
بۇل تۋرالى بەيسەنبى كۇنى جوعارى ەۋرازيالىق ەكونوميكالىق كەڭەستىڭ ماجىلىسىندە سويلەگەن سوزىندە ارمەنيا پرەمەر-ءمينيسترى نيكول پاشينيان ءمالىم ەتتى، دەپ حابارلايدى قازاقپارات رەسەيلىك تاسس اگەنتتىگىنە سىلتەمە جاساپ.
«ارمەنيا مەن ازەربايجاننىڭ ءبىر-ءبىرىنىڭ تەرريتوريالىق تۇتاستىعىن مويىنداۋ تۋرالى كەلىسىمگە كەلگەنىن راستايمىن. وسى رەتتە ءبىز ءوزارا قارىم-قاتىناستارىمىزدى رەتتەۋ باعىتىندا جاقسى قادامدار جاساپ جاتىرمىز دەۋگە بولادى»، - دەدى نيكول پاشينيان.
پرەمەر سونىمەن قاتار حالىقارالىق تەتىكتەر اياسىندا تاۋلى قاراباق تۇرعىندارىنىڭ قۇقىقتارى مەن قاۋىپسىزدىگىن قامتاماسىز ەتۋ ماسەلەسىنە توقتالدى.
«مەن جاقىن ارادا باكۋ مەن ستەپاناكارتتا ءوزارا تۇسىنىستىك جاعدايىنداعى ديالوگ باستالادى دەپ ويلايمىن»، - دەدى ول.
نيكول پاشينيان دۇيسەنبى كۇنى ەريەۆاندا وتكەن باسپا ءسوز ءماسليحاتىندا قۇرامىنا تاۋلى قاراباق كىرەتىن ازەربايجاننىڭ تەرريتوريالىق تۇتاستىعىن مويىندايتىنىن مالىمدەدى. الايدا ازەربايجان تاراپى ارميان حالقىنىڭ قاۋىپسىزدىگىن قامتاماسىز ەتۋى كەرەك.