ق ر پرەزيدەنتى وزگە حالىقارالىق ۇيىمدارمەن ارىپتەستىكتى نىعايتۋعا شاقىردى
«وداق قۇرۋداعى نەگىزگى ماقساتتاردىڭ ءبىرى - ءۇشىنشى ەلدەردەن بارىنشا كۇشتى، ۇيلەسىمدى بىرلەسكەن ۇستانىم نەگىزىندە ءتيىمدى ساۋدا شارتتارىن الۋ.
ينتەگراتسيالانعان ۇيىمدارمەن، ەلدەرمەن جۇيەلى ديالوگتى جالعاستىرۋ ماڭىزدى. ولارمەن ارىپتەستىك ورناتۋ ءبىز ءۇشىن ەكونوميكالىق مۇددەنىڭ ماسەلەسى»، - دەدى مەملەكەت باسشىسى.
سونداي-اق، ول وداقتىڭ ءۇشىنشى ەلدەرمەن ارىپتەستىك ورناتۋ شارالارىن تەزدەتۋدى ۇسىندى.
«كوميسسيانىڭ بىرىككەن اراب امىرلىكتەرىمەن، ۇندىستانمەن، مىسىرمەن، يندونەزيامەن، يزراليلمەن ەركىن ساۋدا ايماعى تۋرالى كەلىسىم بەكىتۋ باعىتىنداعى جۇمىستاردى جەدەل اياقتاعانى ابزال.
ش ى ۇ، ASEAN، مەركوسۋر جانە وزگە دە حالىقارالىق ۇيىمدارمەن ءوزارا ءىس-قيمىلدى ساپالى تۇردە كۇشەيتۋ كەرەك. مۇنداي ارىپتەستىككە قىزىعۋشىلىق ول جاقتان دا بار دەپ ويلايمىن»، - دەدى قاسىم-جومار توقايەۆ.
كەڭەستىڭ كەڭەيتىلگەن قۇرامداعى وتىرىسىنا قازاقستان پرەزيدەنتىمەن قاتار رەسەي فەدەراتسياسىنىڭ پرەزيدەنتى – ج ە ە ك ءتوراعاسى ۆلاديمير پۋتين، ارمەنيا پرەمەر-ءمينيسترى نيكول پاشينيان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، سونداي-اق ازەربايجان پرەزيدەنتى يلحام اليەۆ قاتىساتىنى حابارلانعان بولاتىن.