اۋىر سالماقتاعى نوكاۋتشى قارسىلاسىن ەكى مينۋتقا جەتكىزبەدى

استانا. قازاقپارات – اۋستراليانىڭ مەلبۋرن قالاسىندا وتكەن بوكس كەشىنىڭ باستى ايقاسىندا اۋىر سالماقتا بۇرىنعى الەم چەمپيونى، جاڭا زەلانديالىق دجوزەف پاركەر (32-3، 22 ك و) جەرگىلىكتى بوكسشى فايگو وپەلۋدى (15-4-2، 11 ك و) نوكاۋتقا ءتۇسىردى، دەپ حابارلايدى Vesti.kz سايتى vRINGe.com پورتالىنا سىلتەمە جاساپ.

پاركەر ءبىرىنشى راۋندتا-اق قارسىلاسىنىڭ شابۋلىنان سىتىلادى دا، ونىڭ ءوزىن سوققى استىنا الادى. وپەلۋ ءدال سوققىلاردان ەسەڭگىرەپ قۇلاپ، قايتا تۇرعاندا شايقالاقتاپ قالادى. تورەشى بىردەن جەكپە-جەكتى توقتاتادى.

ءبىرىنشى راۋند قورىتىندىسى بيوىنشا، پاركەر تەحنيكالىق نوكاۋتپەن جەڭىسكە جەتتى (ت ك و 1).