ايدىن بيكەبايەۆ: جەكە دەتەكتيۆتەر تۋرالى زاڭ قابىلداۋ كەرەك

استانا. قازاقپارات - جەكە دەتەكتيۆتەر تۋرالى زاڭ قابىلداۋ كەرەك. مۇنداي پىكىردى رەسپۋبليكالىق ادۆوكاتتار القاسىنىڭ ءتوراعاسى ايدىن بيكەبايەۆ ءبىلدىردى، دەپ حابارلايدى قازاقپارات ءتىلشىسى.

«بولاشاقتا جەكە دەتەكتيۆتەر تۋرالى زاڭ قابىلداۋ كەرەك. ويتكەنى ادۆوكات ءوز ءجۇرىپ، بارلىعىن تەكسەرە المايدى. ول دەتەكتيۆتەردى جالداپ، اقشاسىن تولەپ، سونداي جۇمىستاردى ىستەتۋى قاجەت. ءبىراق، ونىڭ قاراپايىم حالىققا كومەگى تيمەۋى مۇمكىن. ويتكەنى بارلىعى اقشا عوي. مەنىڭ ويىمشا، سوت پروتسەسىندەگى تەپە- تەڭدىكتى ناقتى بەلگىلەۋ كەرەك. ادۆوكاتتىڭ مارتەبەسىن ارتتىرىپ، كەپىلدىكتەر بەرۋ قاجەت. سەبەبى ادۆوكاتتارعا قىسىم كورسەتىلۋى مۇمكىن» ، - دەدى ول باس پروكۋراتۋرادا وتكەن مەملەكەتتىك ايىپتاۋشىلار فورۋمى اياسىندا باق وكىلدەرىنە بەرگەن سۇحباتىندا.

ونىڭ اتاپ وتۋىنشە، ادۆوكاتتار ءبىر زاڭ بۇزۋشىلىق جاساسا، وندا ول ليتسەنزياسىنان ايىرىلادى. ەلىمىزدە مۇنداي جاعدايلار دا ورىن العان.

«قازىر ادىلەت مينيسترلىگىمەن ءبىر كەلىسىمگە كەلىپ جاتىرمىز. ولار سوتقا شاعىمدانۋدىڭ الدىندا ءبىزدىڭ ءوزىمىزدىڭ تارتىپتىك كوميسسياعا ارىز ءتۇسىرۋ كەرەك. تارتىپتىك كوميسسيا قاتارىمىزدان كىمدى شىعاراتىندىعىمىزدى، كىمدى قالدىراتىندىعىمىزدى شەشۋى ءتيىس. بىلتىر ءوزىمىزدىڭ تارتىپتىك كوميسسيانىڭ شەشىمىمەن 22 ادۆوكات قاتارىمىزدان شىعارىلدى. ال ادىلەت مينيسترلىگىنىڭ ستاتيستيكاسىن بىلمەيمىن» ، - دەدى ايدىن بيكەبايەۆ.