قورعاس كەدەن بەكەتىنەن زاڭسىز قارجى مەن تەمەكى الىپ وتپەك بولعاندار قۇرىقتالدى
«قورعاس ح ش ى و» كەدەن بەكەتىندە جەكە تۇلعالاردىڭ قولما- قول شەتەل ۆاليۋتاسىن دەكلاراتسيالاماۋ فاكتىلەرىن انىقتاۋ بويىنشا تۇراقتى جۇمىس جۇرگىزىلۋدە. كەدەندىك باقىلاۋدى جۇرگىزۋ كەزىندە شەكارالىق باقىلاۋ قىزمەتكەرلەرىمەن بىرلەسىپ، ق ر- دان ق ح ر- عا شىعۋ كەزىندە شەتەل ۆاليۋتاسىن الىپ ءوتۋدىڭ 4 فاكتىسىنىڭ جولى كەسىلدى.
17-مامىردا ق ح ر ازاماتىنان 20000 ا ق ش دوللارى سوماسىندا دەكلاراتسيالانباعان قاراجات انىقتالدى.
سول سياقتى، 18-مامىردا 10000 ا ق ش دوللارىنا جانە 270000 تەڭگەگە دەكلاراتسيالانباعان قاراجات سوماسىمەن قازاقستان رەسپۋبليكاسىنىڭ ازاماتى توقتاتىلدى، ق ر باسقا ازاماتىنان جۇك دوڭگەلەگىنىڭ باگاج بولىگىندە 6 ميلليون تەڭگە جاسىرىلعان پاكەت تابىلدى.
كەلەسى كۇنى «قورعاس ح ش ى و» كەدەن بەكەتىنىڭ جولاۋشىلار تەرمينالىنىڭ زالىندا رەسپۋبليكا اۋماعىنان كەتۋ كەزىندە قازاقستان ازاماتى 11065000 تەڭگەمەن ۇستالدى.
ودان بولەك، ءدال وسى كەدەن بەكەتىندە كەدەندىك باقىلاۋ جۇرگىزۋ كەزىندە شەكارالىق باقىلاۋ جانە پوليتسيا قىزمەتكەرلەرىمەن بىرلەسىپ، قر- عا كىرگەن كەزدە تەمەكى تاسىمالداۋعا تىرىسۋدىڭ 6 فاكتىسى انىقتالدى.
18- مامىردا قازاقستان اۋماعىنا اكەلۋ كەزىندە ەكى جاعدايدا ق ر ازاماتتارىنان 52 جانە 12 بلوك مولشەرىندە «ميلانو» ماركالى تەمەكى ونىمدەرى تابىلدى جانە تاركىلەندى. 19 -مامىردا اۆتوكولىك تۇراعىندا «ORIS» يەسىز تەمەكىنىڭ 60 بلوگى تابىلدى.
20 -مامىردا قازاقستان اۋماعىنا اكەلۋ كەزىندە ءۇش جاعدايدا «ميلانو» ماركالى تەمەكىنىڭ 35 بلوگى، «ORIS» تەمەكىسىنىڭ 100 بلوگى، ءتۇرلى ماركالى تەمەكىنىڭ 691 بلوگى تابىلىپ، تاركىلەندى.
بارلىق فاكتىلەر بويىنشا اكىمشىلىك ماتەريالدار تولتىرىلىپ، كىنالىلەر اكىمشىلىك جاۋاپكەرشىلىككە تارتىلدى.