ۇكىمەت باسشىسى اۋىل بالالارىنا استاناعا ساياحات ۇيىمداستىرۋدى جۇكتەدى
«جازعى دەمالىستى ۇيىمداستىرۋدىڭ الەۋمەتتىك ماڭىزىن ەسكەرە وتىرىپ، مۇددەلى مەملەكەتتىك ورگاندار مەن اكىمدىكتەر بالالارعا ارنالعان ءىس- شارالاردىڭ مازمۇنى مەن ساپاسىنا ەرەكشە كوڭىل اۋدارۋى كەرەك.
مادەنيەت مينيسترلىگى اكىمدىكتەرمەن بىرلەسىپ، ىشكى تۋريزمدى دامىتۋ شەڭبەرىندە ەكسكۋرسيالىق- تانىمدىق ءىس- شارالاردى ۇيىمداستىرىپ، بالالاردىڭ تابيعات اياسىنا ساياحاتتارىن ارتتىرۋى ءتيىس»، - دەدى ۇكىمەت باشىسى.
جازعى دەمالىس كەزىندە وقۋشىلاردىڭ مادەني وشاقتارعا بارۋىن ۇيىمداستىرۋ قاجەتتىگى دە ايتىلدى.
«ءوڭىر اكىمدەرى كانيكۋل كەزىندە وقۋشىلاردىڭ مۋزەيلەرگە، تەاترلارعا، قورىقتارعا، ۇلتتىق پاركتەر مەن سپورت نىساندارىنا تەگىن بارۋىن قامتاماسىز ەتۋى قاجەت. شالعاي ەلدى مەكەندەردە تۇراتىن بالالار ءۇشىن مادەني- تاريحي جەرلەرگە، استاناعا ساياحاتتى ۇيىمداستىرۋ كەرەك»، - دەدى ءاليحان سمايىلوۆ.
سونداي- اق بۇگىن ۇكىمەت وتىرىسىندا جازعى دەمالىس كەزىندە اۋىل بالالارىنا دۇرىس كوڭىل بولىنبەيتىنى ايتىلىپ، جازدا دەنساۋلىقتارىنا سكرينينگ جاساۋ تاپسىرىلدى. بۇدان بولەك، بوس ۋاقىتتارىن ءتيىمدى وتكىزۋگە ەرەكشە كوڭىل ءبولۋ جۇكتەلدى.