ە ا ە و ءۇشىن قىتايمەن ءوزارا ءىس-قيمىل قۇرۋ ماڭىزدى - قاسىم-جومارت توقايەۆ
«وداقتىڭ نەگىزگى ساياسي جانە ەكونوميكالىق سەرىكتەسى - قىتاي حالىق رەسپۋبليكاسىمەن ءتيىمدى ءوزارا ءىس-قيمىل قۇرۋ وتە ماڭىزدى. سونىمەن بىرگە قىتاي ەڭ ءىرى جۇك جونەلتۋشى جانە ەڭ ءىرى كليەنت بولىپ وتىر. وتكەن اپتادا مەن وسى ەلگە مەملەكەتتىك ساپارمەن باردىم، وندا شيان قۇرعاق پورتىندا قازاقستاننىڭ لوگيستيكالىق ورتالىعىنىڭ قۇرىلىسىن ىسكە قوستىق. بۇل پورت ورتالىق ازياعا، ەۋروپاعا، تۇركياعا جانە يرانعا تىكەلەي كونتەينەرلىك پويىزداردى جىبەرۋدىڭ نەگىزگى حابى بولادى دەپ كۇتەمىز»، - دەدى قاسىم-جومارت توقايەۆ «كوپپوليارلى الەمدەگى ەۋرازيالىق ينتەگراتسيا» اتتى ەۋرازيالىق ەكونوميكالىق فورۋمدا.
سونداي-اق، باقتى-اياگوز ۋچاسكەسىندە ق ح ر- عا جەكە شەكارا وتكەلىن سالۋ مەن تەمىرجول قاتىناسىن باستاۋ جوسپارلانۋدا.
مۇندا پرەزيدەنت رەسەيمەن تابىستى ىنتىماقتاستىققا ۇمىتتەنەتىنىن ايتتى، ويتكەنى جوبا ق ح ر- عا تەك قازاقستاننان عانا ەمەس، باتىس سىبىردەن دە تاۋار جەتكىزۋ قاشىقتىعى مەن مەرزىمدەرىن ەداۋىر قىسقارتادى.
«فيزيكالىق ينفراقۇرىلىمدى دامىتۋدان بولەك، جۇمساق ينفراقۇرىلىم قۇرۋعا، ياعني سيفرلاندىرۋعا، كەدەندىك اكىمشىلەندىرۋدى جەڭىلدەتۋگە جانە اكىمشىلىك جۇكتەمەنى ازايتۋعا ءمان بەرۋ دە وتە ماڭىزدى. جالپى، ءبىز قازىر ەۋرازيانىڭ بۇعان دەيىن ەشقاشان بولماعان جاڭا ىرگەتاسىن قالاپ جاتىرمىز دەۋگە بولادى. ەگەر وسى ماسەلەگە مۇقيات جانە بىرلەسىپ قاراساق، ايتارلىقتاي ەكونوميكالىق جانە ساياسي ديۆيدەندتەر الا الامىز. وسى تۇرعىدا تولىققاندى جانە سىندارلى حالىقارالىق ىنتىماقتاستىعىمىزدىڭ قانشالىقتى ماڭىزدى ەكەنىن تۇسىنەمىز دەپ ويلايمىن»، - دەدى قاسىم-جومارت توقايەۆ.
سول سەبەپتى پرەزيدەنت قىتايمەن، ۇندىستانمەن، ۆەتناممەن، يرانمەن، ەگيپەتپەن، يزرايلمەن، سەربيامەن جانە باسقا سەرىكتەستەرمەن بەلسەندى قارىم-قاتىناس وداقتىڭ جەتىلۋىنىڭ جانە ونىڭ ساۋدا-ەكونوميكالىق تارتىمدىلىعىنىڭ ماڭىزدى كورسەتكىشى بولاتىنىن باسا ايتتى.
ايتا كەتەيىك، قاسىم-جومارت توقايەۆ جوعارى ەۋرازيالىق ەكونوميكالىق كەڭەستىڭ وتىرىسىنا قاتىسۋ ءۇشىن ماسكەۋگە باردى.