ەرلان سايروۆ فەرمەرلەرگە سۋبسيديا بولۋدەگى كەمشىلىكتەردى اتادى
«اۋمالى-توكپەلى زاماندا قازاقستاننىڭ اگرارلىق سەكتورى كۇردەلى جاعدايعا تاپ بولىپ وتىر. وڭىرلەردە 2022-جىلى تاۋارلىق سۋبسيديالار 50 پايىز عانا تولەنگەن، ينۆەستيتسيالىق سۋبسيديالار 30-40 پايىزعا تولەندى، الىنعان قارىزدار بويىنشا ەكىنشى دەڭگەيدەگى بانكتەردىڭ پايىزدىق مولشەرلەمەسىن سۋبسيديالاۋ بويىنشا دا وسىنداي جاعداي ورىن الدى. اۋىل شارۋاشىلىعى مينيسترلىگى ۇسىنعان ينۆەستيتسيالىق سۋبسيديالار جانە ەكىنشى دەڭگەيدەگى بانكتەردىڭ پايىزدىق مولشەرلەمەسىن وتەۋگە ارنالعان جاڭا gosagro.kz پلاتفورماسى تولىق جۇمىس ىستەمەيدى، مەملەكەتتىك دەرەكقورلارمەن ينتەگراتسيالانباعان، سۋبسيديا الۋعا ءوتىنىم قابىلداۋعا قابىلەتسىز»، - دەدى ە. سايروۆ پرەمەر-مينيستر ءاليحان سمايىلوۆتىڭ اتىنا جولداعان ساۋالىندا.
ونىڭ ايتۋىنشا، وتەلمەگەن قارىزدار بويىنشا پايىزدىق مولشەرلەمەنى وتەۋ ءۇشىن سۋبسيديا الۋ مۇمكىندىگىنىڭ بولماۋى فەرمەرلەردىڭ جاعدايىن قيىنداتىپ وتىر. كاسىپكەرلەردى سۋبسيديالاۋ قاعيداتىنا سايكەس %6 ورنىنا بانكتەرگە كرەديتتىڭ تولىق مولشەرلەمەسىن، ياعني 17-20 پايىز تولەۋگە ءماجبۇر ەتەدى.
«بيىل استىقتى فورۆاردتىق ساتىپ الۋعا بولىنگەن قاراجاتتىڭ بۇرىن-سوڭدى بولماعان قىسقارۋى ورىن الدى. ماسەلەن، اقمولا وبلىسى بويىنشا 12 ميلليارد تەڭگەگە سۇرانىس بولا تۇرا، فورۆاردتىق ساتىپ الۋعا تەك 4 ميلليارد تەڭگە ءبولىندى. بۇل كوپتەگەن شارۋالاردى اينالىم قاراجاتىنان شەكتەيدى. قازاقستانداعى استىق قورى 2023-جىلعى 1- ساۋىردەگى جاعداي بويىنشا بىلتىرعى دەڭگەيدەن 1,5 ەسە كوپ بولعان، مايلى داقىلدار قورى " ارتقان. بۇل ءوز كەزەگىندە اۋىل شارۋاشىلىعى تاۋارلارىن وندىرۋشىلەرى وسىرگەن ەگىننىڭ ەداۋىر بولىگىن ساتا المادى دەگەن ءسوز، ياعني بيىلعى ەگىس جۇمىستارىن جۇرگىزۋگە جەتكىلىكتى قاراجات جوق»، - دەدى دەپۋتات.
وسى ورايدا ول وتاندىق اگرارلىق سەكتوردى قولداۋ ءۇشىن مىنا ۇسىنىستاردى جاريالادى.
1. 2022-جىلعا ارنالعان سۋبسيديالاردىڭ بارلىق ءتۇرى بويىنشا قارىزدى قىسقا مەرزىمدە وتەۋ. 2023-جىلى سۋبسيديالارعا ءوتىنىم بەرۋ جۇيەلەرىنىڭ تولىققاندى جۇمىس ىستەۋىن قامتاماسىز ەتۋ.
2. بيىل سۋبسيديا تولەۋ ءۇشىن بيۋدجەتتەن قوسىمشا قاراجات ءبولۋدى قاراستىرۋ.
3. فورۆاردتىق ساتىپ الۋ سوماسىن بىلتىرعى كورسەتكىشتەرگە دەيىن ۇلعايتۋ.