استانادا سوڭعى قوڭىراۋ قانداي سىنىپتارعا سوعىلادى جانە اتتەستات قاشان تاپسىرىلادى

استانا. قازاقپارات - استانا قالاسىنىڭ ءبىلىم باسقارماسى وقۋشىلار ءۇشىن سوڭعى قوڭىراۋ قاشان سوعىلاتىنىن، مەكتەپ تۇلەكتەرىنە اتتەستات قاي كۇنى تاپسىرىلاتىنىن ءمالىم ەتتى، دەپ حابارلايدى قازاقپارات.

«بيىلعى وقۋ جىلى كوكتەمنىڭ سوڭعى كۇنىندە اياقتالادى. 31- مامىر - جالپى ءبىلىم بەرەتىن مەكتەپتەر بەكىتىلگەن كەستە بويىنشا ساباقتار وتكىزەدى جانە سول كۇنى سىنىپ ساعاتى وتەدى. بالالار مۇعالىمدەرمەن بىرگە وقۋ جىلىن قورىتىندىلاپ، جازعى دەمالىسقا ارنالعان جوسپارىن تالقىلايدى.

1- ماۋسىم - بالالاردى قورعاۋ كۇنى - 4,9 جانە 11-سىنىپتار ءۇشىن سالتاناتتى ءىس-شارا ءوتىپ، تۇلەكتەر ءۇشىن سوڭعى قوڭىراۋ سوعىلادى»، - دەلىنگەن ۆەدومستۆو مالىمەتىندە.

بيىل استانادا 9-سىنىپتى 18443 وقۋشى، 11-سىنىپتى 9539 تۇلەك اياقتايدى.

«ماۋسىمنىڭ العاشقى ون كۇندىگىندە 9-سىنىپ تۇلەكتەرى قورىتىندى ەمتيحان تاپسىرادى، ال 11-سىنىپ بىتىرۋشىلەر ءۇشىن مەملەكەتتىك ەمتيحاندار 5-19- ماۋسىم ارالىعىنا وتەدى.

22- ماۋسىم كۇنى تۇلەكتەرگە اتتەستات بەرىلەدى»، - دەلىنگەن ۇسىنىلعان حابارلامادا.