كاسپي بانك كليەنتتەرىنە ەشقانداي تەكسەرۋ بولمايدى- قارجى ءمينيسترى
«مەنىڭ بىلۋىمشە، ەكىنشى دەڭگەيلى بانكتەرمەن اقپارات الماسۋعا قاتىستى ءتيىستى قادامدار جالعاسىپ جاتىر. ازىرگە، ناقتى ناتيجە جوق. بۇل 2025 -جىلعا دەيىن اتقارىلاتىن جۇيەلى جۇمىس. ەشقانداي تەكسەرۋلەر بولمايدى، ادامدار مەن بيزنەسكە قىسىم جاسالمايدى. مەن وسى جايىندا كەپىلدىك بەرە الامىن»، - دەدى ە. جاماۋبايەۆ ماجىلىستە تىلشىلەر سۇراعىنا جاۋاپ بەرە وتىرىپ.
سونىمەن قاتار تىلشىلەر مينيستردەن ونلاين اۋدارىمدار جاسايتىن ادامداردىڭ ءتىزىمىن جاساۋ مۇمكىندىگى تۋرالى سۇراق قويدى.
«مەملەكەتتىك كىرىستەر كوميتەتى ءوز ەركىمەن ەشقانداي تالاپتاردى ەنگىزبەيدى. مالىمەتتەردى باسقا مەملەكەتتىك ورگانداردىڭ بازاسىنان الامىز. ءبىزدىڭ ۆەدومستۆو ءوز بەتىنشە مۇنداي قادامداردى جاساي المايدى. ەگەر ءبىزدىڭ قۇرىلىمدا وسىعان بىرەۋدىڭ قاتىسى بولسا، مەن ول ادامدى جۇمىستان شىعارامىن»، - دەدى قارجى ءمينيسترى.
اۆتور:
رۋسلان عابباسوۆ