زاڭسىز شىعارىلعان اكتيۆتەردى قايتارۋ جونىندەگى جەكە ۆەدومستۆو قۇرىلادى
اتاپ ايتقاندا، الداعى ۋاقىتتا ماجىلىستە «زاڭسىز ساتىپ الىنعان اكتيۆتەردى مەملەكەتكە قايتارۋ تۋرالى»، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭسىز ساتىپ الىنعان اكتيۆتەردى مەملەكەتكە قايتارۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»، «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى» كودەكسىنە وزگەرىستەر مەن تولىقتىرۋلار ەنگىزۋ تۋرالى»، «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» ق ر كودەكسىنە (سالىق كودەكسى) وزگەرىستەر مەن تولىقتىرۋلار ەنگىزۋ تۋرالى»، «پروكۋراتۋرا تۋرالى» ق ر كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى قارالادى.
«اتالعان 5 زاڭ جوباسىن «زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى» ق ر پرەزيدەنتىنىڭ 2022 -جىلعى 26 -قاراشاداعى № 3 جارلىعىن ورىنداۋ ماقساتىندا پارلامەنت ءماجىلىسىنىڭ دەپۋتاتتارى ازىرلەدى. نەگىزگى زاڭ جوباسى اكتيۆتەردى انىقتاۋ جانە قايتارۋ ءۇشىن قاجەت زاڭنامالىق نەگىزدەر مەن جاڭا قۇرالداردىڭ بولماۋىنا بايلانىستى اكتيۆتەردى قايتارۋدىڭ تەتىكتەرىن ايقىنداۋعا باعىتتالعان. ىلەسپەلى زاڭ جوبالار نەگىزگى زاڭ جوباسىنىڭ ەرەجەلەرىن جۇزەگە اسىرۋ ماقساتىندا ازىرلەندى جانە قولدانىستاعى زاڭناماعا ءبىرقاتار تۇزەتۋلەر ەنگىزىلمەك»، - دەدى دەپۋتات ماگەررام ماگەرراموۆ ءماجىلىستىڭ جالپى وتىرىسىندا.
وسى ورايدا «پروكۋراتۋرا تۋرالى» كونستيتۋتسيالىق زاڭعا، ازاماتتىق، قىلمىستىق، قىلمىستىق- پروتسەستىك، سالىق، اكىمشىلىك قۇقىق بۇزۋشىلىقتار تۋرالى كودەكستەرىنە جانە باسقا دا زاڭنامالىق اكتىلەرىنە وزگەرىستەر مەن تولىقتىرۋلار قاراستىرىلعان. جالپى سانى 11 كودەكس جانە 13 زاڭعا تۇزەتۋلەر ەسكەرىلگەن.
«زاڭ جوبالارىن قابىلداۋدىڭ مىناداي وڭ الەۋمەتتىك- ەكونوميكالىق اسەرى بار: قوعامداعى الەۋمەتتىك ادىلەتتىلىكتى قالپىنا كەلتىرۋ، زاڭسىز ساتىپ الىنعان جانە شىعارىلعان اكتيۆتەردى مەملەكەتكە قايتارۋ ارقىلى قازاقستان حالقىنىڭ ءال- اۋقاتىن ارتتىرۋ، اكتيۆتەردى ەرىكتى تۇردە قايتارۋدى ىنتالاندىرۋ، اكتيۆتەردى زاڭسىز ساتىپ الۋعا ىقپال ەتكەن سەبەپتەر مەن جاعدايلاردى جويۋ. «زاڭسىز ساتىپ الىنعان اكتيۆتەردى مەملەكەتكە قايتارۋ تۋرالى» زاڭ جوباسى جانە ىلەسپە زاڭ جوبالارى قولدانىسقا ەنگىزىلگەننەن كەيىن، باس پروكۋراتۋرانىڭ قۇرىلىمىندا زاڭسىز شىعارىلعان اكتيۆتەردى قايتارۋ جونىندەگى جەكە ۆەدومستۆو قۇرىلادى. ول وسى سالاداعى ۋاكىلەتتى ورگاننىڭ فۋنكسيالارىن ورىندايدى»، - دەدى ءماجىلىس دەپۋتاتى.
بۇدان باسقا، مەملەكەتكە قايتارىلعان اكتيۆتەردى جيناقتاۋ ءارى باسقارۋ ماسەلەلەرى بويىنشا ارنايى مەملەكەتتىك قور جانە باسقارۋشى كومپانيا قۇرىلادى. بۇل قايتارىلعان اكتيۆتەردى قازاقستان حالقىنىڭ ءال- اۋقاتىن ارتتىرۋعا باعىتتالعان الەۋمەتتىك جانە ەكونوميكالىق جوبالاردى قارجىلاندىرۋعا باعىتتاۋعا مۇمكىندىك بەرەدى.
«اتاپ ايتقاندا، اكتيۆتەردى قايتارۋ سالاسىنداعى مەملەكەتتىك ورگاندار مەن ۇيىمدار جۇمىسىنىڭ ناقتى جانە اشىق تەتىگى قۇرىلادى»، - دەدى ماگەررام ماگەرراموۆ.