برازيليا قۇس تۇماۋىنىڭ ورشۋىنە بايلانىستى توتەنشە جاعداي جاريالادى
18:56, 23 - مامىر 2023
ريو-دە-جانەيرو. قازاقپارات - برازيليا جابايى قۇستار اراسىندا قۇس تۇماۋىنىڭ ورشۋىنە بايلانىستى التى ايلىق مەرزىمگە توتەنشە جاعداي جاريالادى، دەپ حابارلايدى قازاقپارات BBC News-كە سىلتەمە جاساپ.
قۇس تۇماۋىن جۇقتىرۋدىڭ جەتى وقيعاسى ەسپيريتۋ-سانتو شتاتىندا، تاعى بىرەۋى ريو-دە-جانەيرو شتاتىندا تىركەلدى.
ەل ۇكىمەتىنىڭ جانۋارلارعا بايلانىستى توتەنشە جاعداي جاريالاۋى وتە جۇقپالى H5N1 ۆيرۋسىنىڭ تارالۋىن بولدىرماۋ ءۇشىن شارالار قابىلداۋعا مۇمكىندىك بەرەدى.
برازيليا - تاۋىق ەتىن الەمدەگى ەڭ ءىرى ەكسپورتتاۋشى ەل. ونىڭ جىلدىق ساتىلىمى شامامەن 10 ميلليارد ا ق ش دوللارىن قۇرايدى.
بيلىك وكىلدەرى قۇس تۇماۋىنىڭ برازيليانىڭ وڭتۇستىگىندەگى نەگىزگى وندىرىستىك ايماقتارىنان الىس جەردە انىقتالعانىن ايتتى.
ەلدە ساقتىق شاراسى رەتىندە 180 كۇن بويى دەنساۋلىق ساقتاۋ سالاسىنداعى توتەنشە جاعداي جاريالاندى.