ە ا ە و ەلدەرى مەملەكەتتىك ساتىپ الۋداعى كەدەرگىلەردى تالقىلادى
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
قازاقستاندىق دەلەگاتسياعا پرەمەر- ءمينيستردىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين جەتەكشىلىك ەتتى.
ە ا ە و ەلدەرىنىڭ جەتكىزۋشىلەرى مەن وندىرۋشىلەرى باسقا مۇشە مەملەكەتتەردىڭ مەملەكەتتىك ساتىپ الۋلارىنا جەكەلەگەن ۇلتتىق تالاپتارسىز قاتىسا الاتىن تاۋارلار تىزبەسى سەگىز پوزيتسياعا كەڭەيدى. وعان دەزينفەكتسيالىق قۇرالدار، سۇيىق ديەلەكترلى ترانسفورماتورلار جانە باسقا دا تاۋارلار كىردى.
«قازاقستاندا ەۋرازيالىق وداق پەريمەترى ەلدەرىنەن كاسىپورىنداردىڭ مەملەكەتتىك ساتىپ الۋلارىنا قول جەتكىزۋدەگى كەدەرگىلەردى كەزەڭ- كەزەڭىمەن جويۋ بويىنشا جۇمىس جۇيەلى جۇرگىزىلىپ كەلەدى. وسى جىلدىڭ قاڭتار ايىندا قازاقستاندىق تاراپتىڭ باستاماسىمەن ە ە ك كەڭەسىندە جەكەلەگەن ۇلتتىق تالاپتارسىز ساتىپ الۋعا قولجەتىمدى 55 قوسىمشا تاۋاردىڭ ءوندىرىس شارتتارى بەكىتىلدى.
سونداي- اق ە ە ك كەڭەسى ە ە ك مۇشەلەرى مەن ونىڭ قىزمەتكەرلەرى قىزمەتىنىڭ تيىمدىلىگىن باعالاۋدى جەتىلدىرۋگە، ىشكى راسىمدەردى، وداق ەلدەرىنىڭ بىرىنە تۇراقتى تۇرۋعا كەلگەن شەتەلدىك ازاماتتاردىڭ كولىك قۇرالدارىن باجسىز اكەلۋ قۇقىعىن جاقسارتۋعا باعىتتالعان ءبىرقاتار راسىمدىك قۇجاتتار قارالىپ، شەشىمدەر قابىلداندى»، - دەلىنگەن حابارلامادا.
ە ە ك كەڭەسىنىڭ كەلەسى وتىرىسىن 23 -ماۋسىمدا وتكىزۋ تۋرالى شەشىم قابىلداندى.