ۇ ب ت- نى ەكى رەت تاپسىرىپ، ەڭ جاقسى ناتيجەمەن گرانت كونكۋرسىنا قاتىسۋعا بولادى - مينيسترلىك

استانا. قازاقپارات – ۇ ب ت- نى ەكى رەت تاپسىرىپ، ەڭ جاقسى ناتيجەنى گرانت كونكۋرسىنا وتكىزۋگە بولادى.

بۇل تۋرالى ق ر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«ۇ ب ت جىلىنا 5 رەت وتەدى. اقىلى نەگىزدە وقۋعا قاستى تەستىلەۋ قاڭتار، ناۋرىز، تامىز ايلارىندا قامتىلادى، ال گرانت كونكۋرسىنا قاتىسۋ ءۇشىن مامىر-ماۋسىم ايلارىندا، ياعني قازىر ءوتىپ جاتقان نەگىزگى ۇ ب ت ناتيجەسى قابىلدانادى»، - دەدى ق. ەرعاليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ ايتۋىنشا، بيىل تالاپكەرلەر ۇ ب ت - نى 2 رەت قاڭتار جانە ناۋرىز ايلارىندا تاپسىردى. قاڭتارداعى ۇ ب ت- عا 123 مىڭ ادام قاتىسىپ، ونىڭ � شەكتى بال جينادى. ناۋرىز ايىندا 111 مىڭ بالا قاتىسىپ، ونىڭ x شەكتى دەڭگەيدەن ءوتتى.

«نەگىزگى ۇ ب ت- نىڭ ماڭىزدى ارتىقشىلىعىنىڭ ءبىرى - ونى تاپسىرۋعا ەكى مۇمكىندىك بەرىلەدى. وسى ورايدا تەست تاپسىراتىن بالا ەڭ جاقسى ناتيجەنى گرانت الۋ ءۇشىن كونكۋرسقا جولداي الادى. بيىل بۇل نورما زاڭنامالىق تۇرعىدا بەكىتىلدى»، - دەدى ۆيتسە-مينيستر.

بۇدان بۇرىن حابارلانعانداي، بيىل 18-مامىردا وسى جىلداعى نەگىزگى ۇ ب ت باستالدى جانە ول 5- شىلدەگە دەيىن جالعاسادى.

بيىلعى وقۋ جىلىنا 88 مىڭ گرانت ءبولىندى.