ويتكەنى قازاقستاننان ارزان بيلەت الىپ، كەمىندە ءبىر اپتا كولەمىندە شەتەل ارالاۋعا بولادى. Massaget.kz دەمالۋعا ارزان ەلدەر ءتىزىمىن جاسادى.
23 ەلگە ساياحاتتاپ، ءوزى دە اۆتورلىق تۋرلار ۇيىمداستىرىپ جۇرگەن نۇرداۋلەت نۇرماحامبەت ۇلى 2023 -جىلى مىنا ەلدەر ساياحاتتاۋعا ءتيىمدى ەكەنىن ايتادى:
تۇركيا
گرۋزيا
ازەربايجان
ب ا ءا
سونداي-اق، ول قانداي باعىتتار بويىنشا ۇشۋعا بولاتىنىن دا كورسەتكەن.
Scat airlines: اقتاۋ/اقتوبە/شىمكەنت - ىستامبۇل؛ اقتاۋ - باكۋ؛ اقتاۋ - تبيليسي.
Fly Arystan: تۇركىستان - ستامبۋل؛ اقتاۋ/اتىراۋ/استانا/شىمكەنت - كۋتايسي؛ اقتاۋ - باكۋ
Turkish airlines: اقتاۋ/تۇركىستان - ىستامبۇل؛ الماتى - انكارا
Pegasus airlines: الماتى/شىمكەنت - ىستامبۇل؛ الماتى - انكارا
Wizz air: الماتى/استانا - ابۋ-دابي
سونىمەن ەل كورگەن، جەر كورگەن ساياحاتشىلار ۇسىنعان ەلدەردى ەسەپتەپ كوردىك.
1. وزبەكستانعا ساياحات: ءتۇرلى ءتۇستى كولوريت، ءدامدى تاماق، ارزان باعا
قازاقستانعا ەڭ جاقىن ەل رەتىندە وزبەكستان - ءتيىمدى نۇسقالاردىڭ ءبىرى. بۇل ەلدە تەڭگەنى سومعا اينالدىرىپ، ءاپ ساتتە ميلليونەر اتانۋعا بولادى. وزبەكستانعا تۋر ۇسىناتىن كومپانيا وتە كوپ. ادەتتە ولاردىڭ قۇنى 60-70-80 مىڭ تەڭگەدەن باستالادى. وزبەكستانعا شىمكەنت قالاسى ارقىلى قاتىنايتىندىقتان، تۋردى شىمكەنتتەن الساڭىز، ارزانعا شىعادى.
ال ءوزىڭىز ساياحاتتاعىڭىز كەلسە، وزبەكستانعا الماتى، شىمكەنت باعىتتارى ارقىلى ۇشاقپەن نەمەسە پويىزبەن جەتۋگە بولادى.
وزبەكستان تاريحي ورىندارىمەن، ءدامدى تاماعىمەن، كوكتەم-جاز مەزگىلدەرىندە بالعىن جەمىستەرىمەن ەرەكشە ەستە قالادى. الايدا بۇل نارسەلەر قالتاڭىزعا اۋىرلىق سالمايدى.
2. گرۋزياعا ساياحات: تازا اۋا، بيىك تاۋلار، شامپان ءدامى
گرۋزيا - كاۆكاز تاۋىنىڭ وڭتۇستىك بولىگىندە ورنالاسقان مەملەكەت. بۇل ەلدىڭ تاڭعالارلىق تابيعاتىنىن بولەك ءبىر ەرەكشەلىگى - مينەرالدى سۋ كوزدەرىنە باي ەكەنى، اسىرەسە، بورجوميىمەن تانىمال.
گرۋزياعا ساپارلاپ كەلگەندەر بۇل ەلدىڭ تاعامدارىنىڭ ءدامى ەستەن كەتپەيتىنىن، ءتىل ۇيىرەتىنىن ايتادى.
سونداي-اق، گۇرجىستان شاراپ وندىرۋىمەن دە ەرەكشەلەنەدى.
بۇل ەلگە اتىراۋ، اقتاۋ قالالاردان ارزان باعاعا بيلەت تابۋعا بولادى. الماتىدان دا 100-120 مىڭ تەڭگە ارالىعىنا بيلەت الا الاسىزدار. ال ارنايى سايتتاردان قوناقۇيگە تاپسىرىس جاساۋعا بولادى. قوناق ءۇي باعاسى شامامەن 10 مىڭ تەڭگەدەن باستالادى.
3. ب ا ءا-گە ساياحات: قۇم، تۇيەلەر، ەستەن كەتپەس دەمالىس
ارابيا تۇبەگىندە ورنالاسقان ب ا ءا كوز تارتار بيىك عيماراتتارىمەن، قالالارىمەن ەرەكشەلەنەدى. دۋباي - سونىڭ دالەلى.
بۇل ەلگە ۇشاق بيلەتى، قوناقۇيدەن باستاپ بارلىق قىزمەتتى ۇيىمداستىراتىن تۋر كومپانيالار وتە كوپ. ال ءوزىڭىز ۇيىمداستىرعىڭىز كەلسە، بيلەت قۇنى ءبىر باعىتقا 80 مىڭ تەڭگەدەن باستالادى.
4. تايلاندقا ساياحات: بالعىن جەمىستەر، تەڭىز، جاعاجاي
وڭتۇستىك شىعىس ازيادا ورنالاسقان، ساياحاتتاۋعا قولايلى ەلدىڭ ءبىرى - تايلاند. بۇل ەل جۇمباق، تىلسىم قۇپيالارىمەن، ورىندارىمەن تۋريستەردى تارتادى.
تايلاندتىڭ باستى ەرەكشەلىكتەرىنىڭ ءبىرى ەكزوتيكالىق جەمىستەردە. مۇندا كەلگەن جان مىندەتتى تۇردە ولاردىڭ ءدامىن كورۋى قاجەت.
ال بۇل ەلگە ساياحات قۇنى سالىستىرمالى تۇردە قىمباتىراق، 180 مىڭ تەڭگەدەن باستالادى.
5. تۇركياعا ساياحات: تاريح، ءداستۇر، مادەنيەت
ازيا مەن ەۋروپا قۇرلىقتارىندا، قارا تەڭىز بەن جەر ورتا تەڭىزدەرى ماڭىندا ورنالاسقان تۇركيا مەملەكەتى تاريحىمەن دە، تابيعاتىمەن دە ەستەن كەتپەس دەمالىس سىيلايدى.
ادەتتە تۋريستەر ىستامبۇل قالاسىن، ونداعى تاريحي ورىنداردى ارالايدى.
ودان بولەك، تۇركياعا جولى تۇسكەندەر مۇمكىندىك بولسا، كاپپادوكيانى ءبىر رەت كورسە ەش وكىنبەيدى.
تۇركيانىڭ اسحاناسى قازاقتارعا جاقسى تانىس. سوندىقتان بۇل ەلدە تاماققا بايلانىستى قيىندىقتار تۋىندامايدى.
ال بۇل ەلگە بيلەت قۇنى 75 مىڭ تەڭگەدەن باستالادى. شىمكەنت، تۇركىستان باعىتىنان الساڭىز، تيىسىنشە ارزان بيلەتتەر تابۋعا بولادى. بۇل ەلدە دە كۇندەلىكتى ءومىر ءسۇرۋ قۇنى قالتاڭىزعا اۋىرلىق سوقپايدى.
ايتا كەتەيىك، بۇعان دەيىن ەل ىشىندە ارزان باعاعا دەمالۋعا بولاتىن جەرلەر ءتىزىمىن جاريالاعان ەدىك.
بيىل ماۋسىمدا بەس كۇن جۇمىس ىستەيتىن قازاقستاندىقتار 26، 27-ماۋسىم جۇمىس ىستەپ، 28-ماۋسىم دەمالادى، 29، 30-ماۋسىم قايتا جۇمىس ىستەيدى.
التى كۇن جۇمىس ىستەيتىندەر ءۇشىن 26، 27-ماۋسىم جۇمىس كۇنى بولسا، 28-ماۋسىم دەمالىپ، 29، 30-ماۋسىم جانە 1-شىلدە قايتا جۇمىس ىستەيدى.