بيىل «بۋراباي» ۇلتتىق پاركىن دامىتۋ بويىنشا قانداي جۇمىستار اتقارىلادى
«پرەزيدەنت ءىس باسقارماسىنىڭ ۆەدومستۆولىق باعىنىستى ۇيىمدارىندا باسىمدىق بەرىلەتىن جۇمىستاردىڭ جاي- كۇيىنە توقتالۋدى جالعاستىرعىم كەلىپ وتىر. جازعى دەمالىس ماۋسىمى جاقىن قالعاندىقتان، بۇگىنگى تاقىرىبىمىز «بۋراباي» ۇلتتىق پاركىنىڭ ينفراقۇرىلىمىن دامىتۋعا، اسەم تابيعاتتى ساقتاۋعا ارنالادى»، - دەيدى ا. دادەبايەۆ.
ايتۋىنشا، بىلتىر كۋرورتتىق ايماققا 711 مىڭنان استام ادام كەلدى. بۇل تەك ۇلتتىق پاركتىڭ باقىلاۋ- وتكىزۋ بەكەتىنەن وتكەندەردىڭ سانى.
«ال بيىلعى كورسەتكىش بىلتىرعىدان كەم تۇسپەيدى دەپ مەجەلەنىپ وتىر. ارينە، ءتۋريزمدى دامىتىپ جاتقان وڭىرگە دەمالۋشىلاردىڭ كوپ كەلگەنى جاقسى. دەگەنمەن، ۇلتتىق پارك ءۇشىن بۇل ءبىرشاما جۇك ەكەنىن دە ەسكەرگەن ءجون. سوندىقتان «بۋراباي دامۋ» كاسىپورنى مەن «بۋراباي» ۇلتتىق پاركى بەلسەنىپ جۇمىس ىستەۋى كەرەك. بۇل، اسىرەسە، ءورت قاۋىپسىزدىگى مەن قورىقتى قورعاۋعا قاتىستى» ، - دەپ جازادى ق ر پرەزيدەنتى ءىس باسقارۋشىسى.
ءمالىم ەتىلگەندەي، بيىل جالعاسىن تاباتىن «Smart National Park Burabay» جوباسىنىڭ اياسىندا 5 وتكىزۋ- باقىلاۋ بەكەتىن اۆتوماتتاندىرۋ، قورشاعان ورتاعا مونيتورينگ جانە ساراپتاما جاسايتىن قوسىمشا قۇرالدار ورناتۋ، عىلىمي جۇمىستاردى كۇشەيتۋجوسپارلانىپ وتىر. سونىمەن قاتار ءورتتى ەرتە انىقتايتىن قوسىمشا 3 باقىلاۋ كامەراسى قويىلماق. وسىلايشا، باقىلاۋ كامەرالارى بار 17 مۇنارا «بۋراباي» پاركىنىڭ عانا تەرريتورياسىن ەمەس، ىرگەلەس جاتقان قورعالاتىن اۋماقتى دا باقىلاپ وتىراتىن بولادى. بۇل - 377166 گەكتار جەر.
«جالپى، سمارت- جۇيە ءورتتى دەر كەزىندە انىقتاپ، تەز ارادا اۋىزدىقتاۋدا ءوز تيىمدىلىگىن كورسەتتى. مىسالى، بىلتىر 21 ءورت وقيعاسى تىركەلىپ، جالىن شارپىعان جەر كولەمى 1,3 گەكتارمەن شەكتەلدى. ياعني، ءتىلسىز جاۋدىڭ تارالۋ اۋماعى 2021 -جىلمەن سالىستىرعاندا 8,6 ەسە ازايدى.
ايتا كەتەرلىك تاعى ءبىر جاڭالىق، بيىل جازدا تۋريستەردىڭ ات شالدىرىپ، اياق سۋىتۋىنا ارنالعان قوسىمشا 35 بەكەت بوي كوتەرەدى، ونىڭ ىشىندە 26 بەكەتكە وت جاعاتىن وشاق قويىلادى.
ستول، ساكى، وشاق، ءورت ءسوندىرۋ قۇرالدارى قويىلعان وسىنداي ورىندار ۇلكەن شاباقتى، كىشى شاباقتى كولدەرىنىڭ جاعاسىندا، سونداي- اق «تەرراسا پارك» قوناقۇيىنەن «اقبۋرا» كۋرورتىنا دەيىن سوزىلىپ جاتقان ۆەلوسيپەد جولىنىڭ بويىندا ورنالاسادى.
وت جاعۋعا بولمايتىن، تەك تاماقتاناتىن، دەمالاتىن ورىندار «ايقۇلاق» مۇسىننەن باستاپ ابىلاي حان الاڭىنا دەيىنگى ۆەلوجولدىڭ بويىندا، كەنەسارى ۇڭگىرىنە جاقىن ماڭدا سالىنادى»، - دەلىنگەن ا. دادەبايەۆ حابارلاماسىندا.
ايتا كەتەيىك، تۋريستەرگە ارنالعان بەكەتتەردىڭ ناقتى كارتاسىن «بۋراباي دامۋ» ج ش س مەن «بۋراباي» م ۇ ت پ سايتتارىنان، سونداي- اق ۇلتتىق پاركتىڭ موبيلدىك قوسىمشاسىنان كورۋگە بولادى. «وت پەن سۋ — ءتىلسىز جاۋ» دەگەن ءسوز تەگىن ايتىلماعان. تابيعات اياسىندا دەمالعان كەزدە ساقتىق شارالارىن ۇمىتپايىق.