پرەزيدەنت ەردوعاندى سايلاۋدىڭ ءبىرىنشى كەزەڭىندە جەڭىسكە جەتۋىمەن قۇتتىقتادى
22:55, 15 - مامىر 2023
استانا. قازاقپارات - مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تاييپ ەردوعانمەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.
اڭگىمەلەسۋ بارىسىندا مەملەكەت باسشىسى قاسىم-جومارت توقايەۆ رەجەپ تايپ ەردوعاندى تۇركياداعى پرەزيدەنت سايلاۋىنىڭ ءبىرىنشى كەزەڭىندە جەڭىسكە جەتۋىمەن قۇتتىقتادى.
پرەزيدەنت سونداي-اق، پارلامەنتتىك سايلاۋدا ادىلەت جانە دامۋ پارتياسى باستاعان رەسپۋبليكالىق اليانستىڭ جەتكەن جەتىستىگىن اتاپ ءوتتى.
سونىمەن قاتار، قازاقستان مەن تۇركيا پرەزيدەنتتەرى باۋىرلاس ەكى ەل اراسىنداعى كوپجاقتى ىنتىماقتاستىقتى ودان ءارى تەرەڭدەتۋ ماسەلەلەرىن تالقىلادى.