سەمەيدە ميىندا ىسىك بار پاتسيەنتكە كۇردەلى وتا جاسالدى

استانا. قازاقپارات - قىرىق بەس جاستاعى سەمەي تۇرعىنىنا مي ىسىگى دياگنوز قويىلىپ، مەديتسينالىق ساقتاندىرۋ جۇيەسىنىڭ قاراجاتى ەسەبىنەن ونى الىپ تاستاۋ بويىنشا كۇردەلى وپەراتسيا جاسالدى، دەپ حابارلايدى قر دسم باسپا ءسوز قىزمەتى.

ول دارىگەرلەرگە قۇرىسۋلار تۋرالى شاعىمدارمەن جۇگىندى. ءوز ەمحاناسىندا پاتسيەنت ەگجەي- تەگجەيلى زەرتتەپ- قاراۋعا جىبەرىلدى، جولداما بويىنشا ول ميدىڭ كومپيۋتەرلىك توموگرافياسىنان (ك ت) جانە ماگنيتتىك- رەزونانستىق توموگرافياسىنان (م ر ت) ءوتتى. «پاتسيەنت سەمەي قالاسىنىڭ سمكا نەيروحيرۋرگيا بولىمشەسىنە ەمدەۋگە جاتقىزىلدى. ك ت جانە م ر ت ناتيجەلەرىن العاننان كەيىن سول جاق الدىڭعى ماڭدايدىڭ ىسىگى انىقتالدى. ءارى قاراي ءبىز وپەراتسيا الدىنداعى دايىندىقتى جۇرگىزدىك جانە BrainLab نەيروناۆيگاتسيالىق جۇيەسىمەن باس سۇيەگىنە سۇيەك- پلاستيكالىق ترەپاناتسيا جاسادىق، ىسىكتى الىپ تاستادىق. وپەراتسيادان كەيىن پاتسيەنت ءوزىن جاقسى سەزىنەدى، جاعدايى تۇراقتى»، - دەپ اتاپ ءوتتى نەيروحيرۋرگ دارىگەر تولەۋعالي قويشىبايەۆ.

ەستەرىڭىزگە سالا كەتەيىك، م ءا م س ەنگىزۋمەن كت جانە م ر ت قازاقستاندىقتار ءۇشىن ودان دا قولجەتىمدى بولدى. پاتسيەنتتەرگە ۋچاسكەلىك دارىگەردەن زەرتتەپ- قاراۋعا جولداما الۋ جەتكىلىكتى.

بۇگىنگى تاڭدا م ءا م س- تەگى كەز كەلگەن ساقتاندىرىلعان ادام قىمبات ك ت جانە م ر ت زەرتتەۋلەرىن تەگىن الا الادى. ماسەلەن، ەگەر 2019 -جىلى ساقتاندىرۋ مەديتسيناسى ەنگىزىلگەنگە دەيىن ەمحانالار ارقىلى 200 مىڭعا جۋىق ك ت جانە م ر ت قىزمەتتەرى كورسەتىلسە، وتكەن جىلى قازاقستاندىقتار 1 ميلليون 400 مىڭ سەسسيا ءوتتى، ياعني 7 ەسە كوپ.

سونداي- اق ساقتاندىرۋ قاراجاتى ەسەبىنەن وسى پاتسيەنتكە قاتىستى سياقتى جوعارى تەحنولوگيالىق، قىمبات زەرتتەپ- قاراۋلار مەن وپەراتسيالار جۇرگىزۋگە بولادى.