مەملەكەتتىك رامىزدەردى پايدالانۋ كەزىندە كەمشىلىك جىبەرگەن وڭىرلەرگە ەسكەرتۋ جاسالدى
مەملەكەت باسشىسى قازاقستان حالقى اسسامبلەياسىنىڭ XXXII سەسسياسىندا ەلىمىزدىڭ گەرالديكالىق رامىزدەرىن ودان ءارى جەتىلدىرۋگە قاتىستى ماسەلە كوتەرگەنى ءمالىم.
وسى ورايدا كوميسسيا مۇشەلەرى بۇل جۇمىستى ۇيىمداستىرۋ تاسىلدەرىن تالقىلادى.
بۇدان بولەك، اتىراۋ جانە باتىس قازاقستان وبلىستارى اكىمدىكتەرىنىڭ مەملەكەتتىك رامىزدەردى پايدالانۋ، قولدانۋ جانە ناسيحاتتاۋ جۇمىستارىنىڭ ەسەبى تىڭدالدى.
سونىمەن قاتار وتىرىس بارىسىندا مەملەكەتتىك رامىزدەردى پايدالانۋ كەزىندە كەمشىلىكتەرگە جول بەرگەن كەيبىر وڭىرلەرگە ەسكەرتۋ جاسالدى.
سونداي-اق بەلگىلەنگەن ستاندارتتاردى ساقتاۋ ماقساتىندا وكىلەتتى ورگاندارعا مەملەكەتتىك رامىزدەردى دايىندايتىن مەكەمەلەرمەن ءتيىستى جۇمىس جۇرگىزۋ ۇسىنىلدى.
جيىن سوڭىندا ەرلان قارين قۇزىرەتتى ورگاندارعا مەملەكەتتىك رامىزدەردى پايدالانۋ جانە ناسيحاتتاۋ باعىتىنداعى جۇمىستاردى باقىلاۋ ءىسىن كۇشەيتۋ جونىندە ءبىرقاتار تاپسىرما بەردى.