قاسىم- جومارت توقايەۆ قىتاي تەلەارناسىنا سۇحبات بەردى

استانا. قازاقپارات - بۇگىن قىتايدىڭ CCTV تەلەارناسىنىڭ ەفيرىنەن پرەزيدەنت قاسىم- جومارت توقايەۆتىڭ سۇحباتى كورسەتىلەدى، دەپ حابارلايدى قازاقپارات اقوردانىڭ Telegram ارناسىنا سىلتەمە جاساپ.

پرەزيدەنت ق ح ر- عا مەملەكەتتىك ساپارى قارساڭىندا ەلىمىزدىڭ قىتايمەن ساياسي- ەكونوميكالىق جانە مادەني- گۋمانيتارلىق ىنتىماقتاستىعىنىڭ دامۋ پەرسپەكتيۆالارىنا، قازاق- قىتاي قاتىناستارىنىڭ تاريحى مەن بۇگىنگى جاي- كۇيىنە، جاھاندىق جانە وڭىرلىك ساياساتقا قاتىستى Leaders Talk باعدارلاماسىنىڭ سۇراقتارىنا جاۋاپ بەرەدى.

«Leaders Talk - حالىقارالىق پروبلەمالار تالقىلاناتىن باعدارلاما. بۇعان دەيىن اتالعان باعدارلاماعا 20 دان استام مەملەكەتتىڭ باسشىلارى مەن حالىقارالىق ۇيىمنىڭ جەتەكشىلەرى ەكسكليۋزيۆتى سۇحبات بەرگەن»، - دەلىنگەن حابارلامادا.

وسىعان دەيىن ق ر پرەزيدەنتى 17-19-مامىردا قىتايعا مەملەكەتتىك ساپارمەن باراتىنىن حابارلاعان بولاتىنبىز.