قىتايداعى بالا تۋۋ كيىم- كەشەك ساۋداسىنا اسەرىن تيگىزدى

استانا. قازاقپارات- قىتايدا بالا تۋۋدىڭ ازايۋى بالالارعا ارناپ كيىم تىگەتىن كومپانيالارعا قاۋىپ ءتوندىرىپ تۇر. ازىرگە دەموگرافيالىق داعدارىستىڭ اسەرى ونشا بىلىنبەسە دە الداعى بەس جىلدا كيىم- كەشەككە سۇرانىس كەمۋى ىقتيمال.

قازىردى وزىندە برەندتەر تابىسىنان ايىرىلماس ءۇشىن بالالار مەن اتا-انالارعا بىردەي ەتىپ تىگىلگەن كيىمدەردى ساتىپ جاتىر. كەيبىر كومپانيالار ءۇي جانۋارلارىنا ارنالعان تاۋار شىعارا باستادى. 1980 -جىلدان 2015 -جىلعا دەيىن قىتاي «جالعىز بالا» ساياساتىن ۇستاندى. 2021 -جىلى ۇكىمەت ءۇش بالا تۋۋعا رۇقسات بەردى. الايدا بۇل احۋالدى جاقسارتقان جوق. بىلتىر كەيىنگى 60 جىلدا قىتاي حالقىنىڭ سانى العاش رەت قىسقاردى.

يان جان، NATUNAKIDS كومپانياسىنىڭ باس ديرەكتورى:

- راسىندا دا بالا تۋۋىنىڭ ازايۋى سەزىلىپ تۇر. قازىر اسەرى ونشا بىلىنبەسە دە الداعى ءۇش- بەس جىلدا بارلىق برەندتەرمىزگە ىقپال ەتەدى دەپ سانايمىن. وعان قوسا بەرندتەر اراسىندا باسەكە كۇشەيەدى، ويتكەنى تۇتىنۋشىلار سانى ازايىپ بارادى.

www.24.kz