حالىقارالىق ۆاليۋتا قورى ورتالىق ازيا ەلدەرى ەكونوميكاسىنىڭ قانشالىقتى وسكەنىن جاريا ەتتى
بۇل جايىندا حالىقارالىق ۆاليۋتا قورىنىڭ تاياۋ شىعىس جانە ورتالىق ازيا ەلدەرى دەپارتامەنتى ديرەكتورىنىڭ ورىنباسارى سۋبير لالل ءمالىم ەتتى، دەپ حابارلايدى قازاقپارات ءتىلشىسى.
«كاۆكاز بەن ورتالىق ازيا وڭىرىندەگى ەلدەردىڭ ەكونوميكاسى وسىمدەگى وتە ۇلكەن ايىرماشىلىقپەن 4,8 پايىزعا ارتتى. ءبىزدىڭ ەسەپتەۋىمىزشە، ارمەنيادا ءوسىم شامامەن 12,6 پايىزدى قۇراسا، ال تۇرىكمەنستاندا شامامەن 2 پايىز بولدى. بۇل كۇتىلگەن وسىمنەن ءبىرشاما جوعارى. بۇعان قوسا، وڭىرلىك ساۋدا ايتارلىقتاي تومەندەپ، ەكسپورتتاۋشى ەلدەر ءۇشىن مۇناي باعاسى ءبىرشاما جوعارى بولدى. رەسەيدەن ەميگراتسيا ناتيجەسىندە اقشا اعىنى دا كۇرت جوعارىلادى. مۇنان بولەك، ءبىرقاتار ەلدە، ونىڭ ىشىندە ارمەنيا، گرۋزيا، قىرعىز رەسپۋبليكاسى جانە وزبەكستاندا جالاقى قاتتى كوتەرىلدى»، - دەدى حالىقارالىق ۆاليۋتا قورىنىڭ «وڭىرلىك ەكونوميكا كەلەشەگى: تاياۋ شىعىس جانە ورتالىق ازيا» بايانداماسىن تانىستىرعان سۋبير لالل.
ونىڭ ايتۋىنشا، 2022 -جىلى اعىمداعى ەسەپشوتتاعى تەڭگەرىمسىزدىك وڭىردەگى ەلدەردىڭ باسىم بولىگىندە ايتارلىقتاي جاقسارعان.
«سونىمەن قاتار 2022 -جىلى اعىمداعى ەسەپشوتتاعى تەڭگەرىمسىزدىك وڭىردەگى ەلدەردىڭ باسىم بولىگىندە ايتارلىقتاي جاقسارا ءتۇستى. بۇل ازەربايجان، قازاقستان سىندى مۇناي ەكسپورتتاۋشى ەلدەر ءۇشىن نەگىزگى وڭ ساۋدا بالانسىن كورسەتەدى. ونىڭ ىشىندە تابىستىڭ بارىنشا جوعارى اعىلۋى، مۇنايدى يمپورتتاۋشى ەلدەردىڭ باسىم بولىگىندە قىزمەتتەردىڭ ءپروفيتسيتى بار. بۇل وڭىردەگى تابىس دەڭگەيى تومەن ەلدەرگە دە قاتىستى»، - دەدى ح ۆ ق وكىلى.