جەلىدە وزبەكستاندا جارىلىس بولعان ءساتتىڭ ۆيدەوسى تارادى

استانا. قازاقپارات – سامارقاند وبلىسىندا گازبەن جابدىقتاۋ نىسانى ماڭىندا ورنالاسقان گاز قۇيۋ ستانتسياسىندا كۇشتى جارىلىس بولدى، - دەپ حابارلايدى Gazeta.uz سايتى.

9- مامىردا كەشكە پاحتاچي اۋدانىنداعى جانارماي قۇيۋ بەكەتىندە ءورت بولدى. بۇل جارىلىسقا اكەپ سوقتى، ول ۆيدەو الەۋمەتتىك جەلىدە تاراعان.

وزبەكستاننىڭ توتەنشە جاعدايلار مينيسترلىگى ءورت تۋرالى حابارلاما 9- مامىردا ساعات 21:25 تە تۇسكەنىن حابارلادى. وقيعا ورنىنا 5 ءورت ءسوندىرۋ جانە اۆاريالىق-قۇتقارۋ جۇمىستارى بريگاداسى جىبەرىلىپ، ساعات 22:30 دا ءورت وقشاۋلانىپ، ساعات 23:00 دە سوندىرىلگەن.

جانارماي قۇيۋ بەكەتىندەگى ورتتەن Isuzu ماركالى ءۇش كولىك پەن ولاردىڭ 50 ليترلىك سۇيىق گاز بوتەلكەلەرى زاقىمدانعان.

بولجام بويىنشا، وقيعا قاۋىپسىزدىك ەرەجەلەرىن بۇزۋ سالدارىنان بولعان. الدىن الا مالىمەت بويىنشا، ءبىر ادام زارداپ شەككەن. وقيعانىڭ سالدارىن جويۋ جۇمىستارى جۇرگىزىلىپ جاتىر.